ന്യൂദല്ഹി: കോണ്ഗ്രസ് നേതാവും സുപ്രീംകോടതി അഭിഭാഷകനുമായ അഭിഷേക് മനു സിംഗ് വിയ്ക്ക് കലിയിളകിയ ദിവസമായിരുന്നു ഇന്ത്യ-ന്യൂസിലാന്റ് സെമിഫൈനല് നടന്ന ദിവസം. കാരണം അന്ന് കളി വീക്ഷിക്കാനെത്തിയ ഇംഗ്ലീഷ് ഫുട്ബാള് താരം ഡേവിഡ് ബെക്കാമിനോട് ബോളിവുഡ് താരങ്ങള് കടുത്ത ആരാധനായാണ് കാണിച്ചത്. അംബാനിയും ഭാര്യ നിതാ അംബാനിയും ഉള്പ്പെടെയുള്ള പ്രമുഖരും ഡേവിഡ് ബെക്കാമിന്റെ പിന്നാലെയായിരുന്നു. എല്ലാവരും ബെക്കാമുമൊത്ത് സെല്ഫിയെടുക്കാന് മത്സരിക്കുകയായിരുന്നു.
Sly on Sonia Gandhi !!!!! 😂🔥 pic.twitter.com/Me5sCXczWF
— Rishi Bagree (@rishibagree) November 18, 2023
ഇത് കണ്ട് അഭിഷേക് മനു സിംഗ് വി എക്സ് എന്ന സമൂഹമാധ്യമത്തില് ഒരു കുറിപ്പിട്ടു. ഇപ്പോഴും ഇന്ത്യക്കാര്ക്ക് വിദേശിയോടുള്ള അടിമത്തവും അഭിനിവേശവും ഒരിയ്ക്കലും തീരില്ലെന്നായിരുന്നു അഭിഷേക് മനു സിംഗ് വി കുറിച്ചത്. “നിങ്ങള് എവിടെ നില്ക്കുന്നു എന്നത് പ്രശ്നമല്ല, വിദേശികള് തന്നെയാണ് ഇപ്പോഴും ന്യായം പറയാനുള്ള ഉറവിടം”- ഇതായിരുന്നു അഭിഷേക് മനു സിംഗ് വി കുറിപ്പ് അവസാനിപ്പിക്കുന്നു.
എന്നാല് പിന്നീട് സമൂഹമാധ്യമങ്ങളില് അഭിഷേക് മനു സിംഗ് വിയ്ക്ക് പൊങ്കാലയായിരുന്നു. നിങ്ങളുടെ നേതാവ് സോണിയാഗാന്ധിയോ എന്നതായിരുന്നു മറുചോദ്യം. കോണ്ഗ്രസില് ഇന്നും എല്ലാവരും തൊഴുതുനില്ക്കുന്ന നേതാവ് സോണിയ തന്നെയാണല്ലോ.
