കൊല്ക്കത്ത (പശ്ചിമ ബംഗാള്): കാവി നിറമില്ലാതെ ഭാരതം അപൂര്ണ്ണമാണെന്നും മുഖ്യമന്ത്രി മമത ബാനര്ജി വോട്ട് ബാങ്കും പ്രീണന രാഷ്ട്രീയവുമാണ് ചെയ്യുന്നതെന്നും മമത ബാനര്ജിക്കെതിരെ പശ്ചിമ ബംഗാള് ഭാരതീയ ജനതാ പാര്ട്ടി അധ്യക്ഷ സുകാന്ത മജുംദാര്.
ഇന്ത്യന് ക്രിക്കറ്റ് താരങ്ങളുടെ പ്രാക്ടീസ് ജഴ്സി കാവി നിറത്തിലേക്ക് മാറ്റിയത് ബിജെപിയാണെന്ന് മമത ബാനര്ജി ആരോപിച്ചിരുന്നു. ഞങ്ങളുടെ ഇന്ത്യന് കളിക്കാരെ കുറിച്ച് ഞങ്ങള് അഭിമാനിക്കുന്നു, അവര് ലോകകപ്പ് ചാമ്പ്യന്മാരാകുമെന്ന് ഞാന് വിശ്വസിക്കുന്നു. ബിജെപി അവരുടെ പരിശീലന ജേഴ്സി പോലും കാവി നിറമാക്കിയെന്ന മമതയുടെ ആരോപണത്തിനാണ് സുകാന്ത മജുംദാര് മറുപടി നല്കിയത്.
ത്രിവര്ണ്ണ പതാകയില് കാവി നിറമുണ്ട്. മുഖ്യമന്ത്രി മമതാ ബാനര്ജിക്ക് അത് അവിടെ നിന്നും നീക്കം ചെയ്യാന് കഴിയുമോ?… കാവി നിറമില്ലാതെ ഇന്ത്യ അപൂര്ണ്ണമാണ്. അതിനാല് മുഖ്യമന്ത്രി മമത ബാനര്ജി വോട്ട് ബാങ്കും പ്രീണന രാഷ്ട്രീയവുമാണ് ചെയ്യുന്നതെന്നും മജുംദാര് പറഞ്ഞു.
