അഹമ്മദാബാദ്: ഐസിസി 13-ാം ക്രിക്കറ്റ് ലോകകപ്പിന് ഇന്നു കലാശക്കൊട്ട്. ഉച്ചയ്ക്കു രണ്ടിന് അഹമ്മദാബാദിലെ നരേന്ദ്ര മോദി സ്റ്റേഡിയത്തില് ഭാരതവും ഓസ്ട്രേലിയയും കിരീടത്തിനായി പൊരുതാനിറങ്ങും.
തുടര്ച്ചയായ 10 വിജയങ്ങളുടെ അകമ്പടിയില് രോഹിത് ശര്മയും കൂട്ടരും തേടുന്നത് ഭാരതത്തിന്റെ മൂന്നാം ക്രിക്കറ്റ് ലോക കിരീടമാണ്. അഞ്ചു തവണ ലോക കിരീടം നേടിയിട്ടുള്ള ഓസീസ് എട്ടു വര്ഷത്തിനു ശേഷം വീണ്ടും ആറാം കിരീടം തേടിയാണ് പാറ്റ് കമ്മിന്സിനു കീഴില് ഇന്നിറങ്ങുന്നത്. ഫൈനലിലേക്കുള്ള യാത്രയില് ഒരു മത്സരം പോലും തോല്ക്കാതെയാണ് ഭാരതത്തിന്റെ വരവ്.
