ഉഡുപ്പി: നാല് പേരെ വകവരുത്തിയ എയറിന്ത്യ എക്സ് പ്രസ് ജീവനക്കാരനായ പ്രവീണ് അരുണ് ചൗഗുളെയെ അഭിനന്ദിച്ച് പോസ്റ്റിട്ട ‘ഹിന്ദു മന്ത്ര’ എന്ന സോഷ്യല് മീഡിയ അക്കൗണ്ടിന്റെ ഉടമയെ തേടി കര്ണ്ണാടക പൊലീസ്. ഉഡുപ്പിയിലെ നെജാറിനടുത്തുള്ള തൃപ്തി നഗരയിലെ വനിത സഹപ്രവര്ത്തകയെയും അവരുടെ കുടുംബാംഗങ്ങളെയുമാണ് അരുണ് ചൗഗുളെ കൊലപ്പെടുത്തിയത്.
തന്റെ വനിതാ സഹപ്രവര്ത്തകയെയും രണ്ടു മക്കളെയും സഹപ്രവര്ത്തകയുടെ അമ്മയെയുമാണ് 39 കാരനായ അരുണ് ചൗഗുളെ ഒറ്റരാത്രിയില് കുത്തിക്കൊലപ്പെടുത്തിയത്. 15 മിനിറ്റിനകത്തായിരുന്നു നാല് പേരുടെ കൊലപാതകം നടന്നത്. ഇതിനോട് ഹിന്ദു മന്ത്ര എന്ന സമൂഹമാധ്യമഅക്കൗണ്ടിന്റെ ഉടമ പങ്കുവെച്ച സന്ദേശം ഇതായിരുന്നു:” നാല് മുസ്ലിങ്ങളെ 15 മിനിറ്റില് കൊലപ്പെടുത്തി. ഇത് ലോകറെക്കോഡാണ്”. കിരീടം വെച്ച അരുണ് ചൗഗുളെയുടെ ഒരു ചിത്രവും അഭിനന്ദിക്കുന്നതിന്റെ ഭാഗമായി പങ്കുവെച്ചുകൊണ്ടായിരുന്നു ഈ കമന്റ്.
ഉഡുപ്പിയിലെ സൈബര് എക്കണോമിക് ആന്റ് നര്കോട്ടിക്സ് സംഘം ഹിന്ദു മന്ത്ര എന്ന ഇന്സ്റ്റഗ്രാം അക്കൗണ്ട് ഉടമയെത്തേടി അന്വേഷണം ആരംഭിച്ചു. സ്വമേധയാ കേസെടുത്തതായി ഉഡുപ്പി എസ് പി ഡോ. അരുണ്.കെ. സ്വമേധയാ കേസെടുത്തിരുന്നു. ഇന്ത്യന് ശിക്ഷാനിയമത്തിലെ 505(2) (സമുദായങ്ങള് തമ്മില് സംഘര്ഷമുണ്ടാക്കല്), ഐടി നിയമത്തിലെ 66ാം വകുപ്പ് എന്നിവ അനുസരിച്ചാണ് കേസെടുത്തിരിക്കുന്നത്.
സുഹൃത്തായ ഐനാസിന്റെ വീട്ടിലേക്ക് അതിക്രമിച്ചു കയറുകയായിരുന്നു പ്രവീണ് ചൗഗുളെ. അവരുടെ രണ്ട് മക്കളെയും ഉമ്മയെയും തല്ക്ഷണം കുത്തിക്കൊലപ്പെടുത്തി. ഉമ്മ ഹസീന (47), മക്കളായ അഫ്നാന് (23), അസീം (14) എന്നിവരെയും കൊലപ്പെടുത്തിയിരുന്നു. പ്രവീണ് ചൗഗുളെയെ പൊലീസ് അറസ്റ്റ് ചെയ്തു. നവമ്പര് 28 വരെ ജയിലിലാണ്.വര്ഗ്ഗീയമായ ചേരിതിരിവ് അതിശക്തമായി നിലനില്ക്കുന്ന പ്രദേശമാണ് ഉഡുപ്പിയിലെ നൈജാര്.
