അഹമ്മദാബാദ്: ലോകകപ്പ് ഫൈനലിന് തയാറെടുത്ത് കഴിഞ്ഞെന്ന് ഓസീസ് നായകന് പാറ്റ് കമ്മിന്സ്.സ്റ്റേഡിയം ഇന്ത്യന് ആരാധകരെ കൊണ്ട് നിറയും. അവരെ നിശബ്ദരാക്കുന്നതിനെക്കാള് സംതൃപ്തി നല്കുന്ന മറ്റൊന്നില്ലെന്നും ഓസ്ട്രേലിയന് നായകന് പറഞ്ഞു.
ടീമിലെ ആവേശത്തിന് കുറവില്ല. എല്ലാവരും ആത്മവിശ്വാസത്തിലാണ്. ലോകകപ്പ് വിജയിക്കുക എന്നത് താരങ്ങളുടെ കരിയറില് നിര്ണായകമാണ്. പൊരുതിയാണ് എല്ലാ മത്സരവും വിജയിച്ചത്. അത് ആത്മവിശ്വാസം നല്കുന്നുണ്ടെന്ന് പാറ്റ് കമ്മിന്സ് പറഞ്ഞു.
ഇന്ത്യയെ അനുകൂലിച്ച് 1,30,000 പേര് സ്റ്റേഡിയത്തിലുണ്ടാവും. അത് ഒരു അനുഭവമാണ്. അവര് നന്നായി കളിക്കുന്നു. ടൂര്ണമെന്റില് തോല്വി അറിഞ്ഞിട്ടില്ല. എന്നാല് ഇന്ത്യക്കെതിരെ തങ്ങള് ഒരുപാട് മത്സരങ്ങള് കളിച്ചിട്ടുണ്ട്. അതിനാല് കാര്യങ്ങളറിയാമെന്നും കമ്മിന്സ് പറഞ്ഞു.
