വിനോദ സഞ്ചാരികളുമായി എത്തിയ വാഹനത്തിന്റെ ഡ്രൈവർ മരിച്ച നിലയിൽ

വയനാട്: വിനോദ സഞ്ചാരികളുമായി എത്തിയ വാഹനത്തിന്റെ ഡ്രൈവറെ മരിച്ച നിലയിൽ കണ്ടെത്തി.വയനാട് മേപ്പാടി 900 കണ്ടിയിൽ വച്ചായിരുന്നു സംഭവം. പൊള്ളാച്ചി സ്വദേശി ബാലകൃഷ്ണനെയാണ് മരിച്ച നിലയിൽ കണ്ടെത്തിയത്. പാർക്ക് ചെയ്തിരുന്ന സ്ഥലത്ത് വാഹനത്തിനുള്ളിൽ സീറ്റിൽ ഇരിക്കുന്ന നിലയിലായിരുന്നു മൃതദേഹം.

മേപ്പാടി സ്വകാര്യ ആശുപത്രിയിലേക്ക് മൃതദേഹം മാറ്റി. മീനാക്ഷി പാർക്കിംഗ് കേന്ദ്രത്തിലാണ് വാഹനം നിർത്തിയിട്ടിരുന്നത്. മരണ കാരണം വ്യക്തമല്ല. ഹൃദയാഘാതമാണോ മരണകാരണം എന്ന സംശയമുണ്ട്. പോസ്റ്റമോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടു നൽകും.