തിരുവനന്തപുരം: സംസ്ഥാനത്ത് ഇന്നും നാളെയും ട്രെയിൻ ഗതാഗതത്തിൽ നിയന്ത്രണം. പുതുക്കാട് – ഇരിങ്ങാലക്കുട സെക്ഷനിലെ അറ്റകുറ്റപ്പണികളുടെ ഭാഗമായാണ് നിയന്ത്രണം. എട്ട് ട്രെയിനുകൾ പൂർണമായി റദ്ദാക്കി. 12 എണ്ണം ഭാഗികമായി റദ്ദാക്കി.
മംഗളുരു-തിരുവനന്തപുരം മാവേലി എക്സ്പ്രസ് (16603), എറണാകുളം-ഷൊർണുർ മെമു (06018), എറണാകുളം-ഗുരുവായൂർ എക്സ്പ്രസ് (06448) എന്നിവയാണ് ഇന്ന് റദ്ദാക്കിയത്.
തിരുവനന്തപുരം-മംഗളുരു മാവേലി എക്സ്പ്രസ് (16604), ഷൊർണൂർ-എറണാകുളം മെമു (06017), ഗുരുവായൂർ-എറണാകുളം ജംഗ്ഷൻ എക്സ്പ്രസ് (06439), എറണാകുളം ജംഗ്ഷൻ-കോട്ടയം എക്സ്പ്രസ് (06453), കോട്ടയം-എറണാകുളം ജംഗ്ഷൻ എക്സ്പ്രസ് (06434) എന്നിവ നാളെയും പൂർണ്ണമായും റദ്ദാക്കി.
പ്രതികരിക്കാൻ ഇവിടെ എഴുതുക: