ആര്ക്കും ഭേദിക്കാനാകില്ലെന്ന് കരുതിയ സച്ചിന് ടെണ്ടുല്ക്കറുടെ റെക്കോഡ് തകര്ത്ത് വിരാട് കോഹ്ലി ചരിത്രം സൃഷ്ടിച്ചതോടെ കോഹ്ലിയുമായി ബന്ധപ്പെട്ട എല്ലാം വാര്ത്തകളില് ഇടം നേടുകയാണ്. ഒരു ലോകകപ്പില് 673 റണ്സ് എന്ന സച്ചിന്റെ റെക്കോഡ് ന്യൂസിലാന്റുമായുള്ള ലോകകപ്പ് സെമിഫൈനലിലാണ് വിരാട് കോഹ്ലി തകര്ത്തത്. ന്യൂസിലാന്റുമായുള്ള സെമിയില് 50ാം സെഞ്ച്വറി നേടിയതോടെ ഏകദിനത്തില് 49 സെഞ്ച്വറി എന്ന സച്ചിന് ടെണ്ടുല്ക്കറുടെ റെക്കോഡും വിരാട് കോഹ്ലി തകര്ത്തു.
ഇപ്പോള് വിരാട് കോഹ്ലിയുടെ അമ്മ സരോജ് കോഹ്ലിയുടെ ചിത്രങ്ങള് വൈറലാവുകയാണ് സമൂഹമാധ്യമങ്ങളില്. വിരാട് കോഹ്ലി ഉള്പ്പെടെ മൂന്ന് മക്കളെ വളര്ത്തുന്നതോടൊപ്പം അതിവഅച്ചടക്കത്തോടെ വീട്ടുകാര്യങ്ങള് നോക്കിയ സ്ത്രീയാണ് കോഹ്ലിയുടെ അമ്മ.
ക്രിമിനല് അഭിഭാഷകനായ പ്രേംനാഥ് കോഹ്ലിയുടെ ഭാര്യയാണ് സരോജ് കോഹ്ലി. 2006ല് ഭര്ത്താവ് മരിച്ചു. പക്ഷാഘാതം ബാധിച്ചായിരുന്നു മരണം. ഭര്ത്താവിന്റെ വരുമാനം കൊണ്ട് വീട് നോക്കിനടത്തുമ്പോള് തന്നെ മക്കള്ക്ക് എല്ലാ ജീവിത സൗഭാഗ്യങ്ങളും ഒരുക്കിക്കൊടുക്കാനും സരോജ് കോഹ്ലി ശ്രദ്ധിച്ചു. മക്കളെ അതീവശ്രദ്ധയോടെ വളര്ത്തിയ അവര് മക്കളെ ജീവിത വിജയത്തിലേക്ക് എത്തിക്കുന്നതില് നല്ല പങ്ക് വഹിച്ചു.
ഇപ്പോള് ഗുര്ഗാവിലാണ് അമ്മ താമസം. വിരാട് കോഹ്ലിയാകട്ടെ ഭാര്യ ബോളിവുഡ് താരം അനുഷ്ക ശര്മ്മയോടും മകള്ക്കുമൊപ്പം മുംബൈയില് താമസിക്കുന്നു.
