ടൂറിന്‍: എടിപി ഫൈനല്‍സിലെ പുരുഷ ഡബിള്‍സ് ജയത്തിലൂടെ അപൂര്‍വ്വ റിക്കാര്‍ഡിന് ഉടമയായി ഭാരത ടെന്നീസ് താരം രോഹന്‍ ബൊപ്പണ്ണ. എടിപി ഫൈനല്‍സില്‍ ജയിക്കുന്ന ഏറ്റവും പ്രായം കൂടിയ താരം എന്ന റിക്കാര്‍ഡ് ആണ് താരത്തിന് സ്വന്തമായത്. ഓസ്‌ട്രേലിയന്‍ സഖ്യതാരം മാത്യൂ എബ്‌ഡെനും ഒന്നിച്ച് റിങ്കി ഹിരികാറ്റാ-ജേയ്‌സണ്‍ കുബ്ലെര്‍ സഖ്യത്തെയാണ് പരാജയപ്പെടുത്തിയത്.
ഹാര്‍ഡ് കോര്‍ട്ടില്‍ നടന്ന മത്സരത്തില്‍ നേരിട്ടുള്ള സെറ്റുകള്‍ക്കായിരുന്നു രോഹന്‍-എബ്‌ഡെന്‍ സഖ്യത്തിന്റെ തകര്‍പ്പന്‍ വിജയം. സ്‌കോര്‍: 6-4, 6-4.
നിലവില്‍ 43 വയസ് പൂര്‍ത്തിയായ താരമാണ് രോഹന്‍ ബൊപ്പണ്ണ. ഇത്രയും പ്രായമുള്ള താരം എടിപി ഫൈനല്‍സില്‍ വിജയിച്ചിട്ടില്ല. എടിപി ഫൈനല്‍സിന്റെ പ്രാഥമിക റൗണ്ടില്‍ ആദ്യ മത്സരത്തിലാണ് ഭാരത-ഓസ്‌ട്രേലിയന്‍ സഖ്യത്തിന്റെ വിജയം.
ഇക്കൊല്ലം ആദ്യം എടിപി മാസ്റ്റേഴ്‌സ് 1000 ടൈറ്റില്‍ സ്വന്തമാക്കുമ്പോള്‍ രോഹന്‍ ബൊപ്പണ്ണ ഈ നേട്ടം കൈവരിക്കുന്ന പ്രായം കൂടിയ താരമായിരുന്നു. ഇക്കൊല്ലമാണ് രോഹന്‍ ബൊപ്പണ്ണയും എബ്‌ഡെനും പുരുഷ ഡബിള്‍സ് സഖ്യതാരങ്ങളായത്.
പ്രതികരിക്കാൻ ഇവിടെ എഴുതുക: