കാസര്‍കോട്: കോഴിക്കോട് വികെഎന്‍ മേനോന്‍ ഇന്‍ഡോര്‍ സ്റ്റേഡിയത്തില്‍ നടന്ന സംസ്ഥാന സീനിയര്‍ ഗുസ്തി ചാമ്പ്യന്‍ഷിപ്പില്‍ മിന്നുന്ന പ്രകടനം കാഴ്‌ച്ചവെച്ച് തുടര്‍ച്ചയായി രണ്ടാം തവണയും ചരിത്ര വിജയം നേടി മാവുങ്കാല്‍ കാട്ടുകുളങ്ങരയിലെ വിഷ്ണു നാരായണന്. പടന്നക്കാട് നെഹറു ആര്‍ട്ട്‌സ് ആന്റ് സയന്‍സ് കോളേജിലെ സുവോളജി രണ്ടാം വര്‍ഷ വിദ്യാര്‍ത്ഥിയായ വിഷ്ണു നിരവധി സമ്മാനങ്ങള്‍ കരസ്ഥമാക്കി ജില്ലയുടെ അഭിമാന താരമായിരിക്കുകയാണ്.
ഗുരുനാഥനോ പരിശീലകനോ ഇല്ലാതെ സ്വന്തം പ്രയത്‌നത്തില്‍ ഗുസ്തിയുടെ അഭ്യാസ മുറകള്‍ സ്വയം പഠിച്ച് സായത്തമാക്കിയാണ് വിഷ്ണു നാരായണന് മത്സരങ്ങളില്‍ മാറ്റുരയ്‌ക്കാറുള്ളത്. പഠനത്തിനിടയില്‍ നെഹറു കോളേജിലെ വിദ്യാര്‍ത്ഥികളെയും ഗുസ്തി പരിശീലിപ്പിച്ചു വരികയാണ്. കാട്ടുകുളങ്ങരയിലെ നാരായണന്റെയും ഏഴിലോട്ടെ എ.വി.സുരൂജയുടെയും മകനാണ് വിഷ്ണു നാരായണന്. ഏക സഹോദരന്‍ വിവേക് നാരായണന് ഉത്തരാഖണ്ഡില്‍ പട്ടാളത്തില്‍ സേവനമനുഷ്ഠിച്ചു വരുന്നു.
പ്രതികരിക്കാൻ ഇവിടെ എഴുതുക: