രണ്ട് മക്കൾക്കും അമ്മയുടെ അടുത്തേക്ക് പോയിവരാനുള്ള സൗകര്യത്തിനാണ് ധനുഷ് പോയസ് ഗാർഡനിൽ പുതിയ അപ്പാർട്ട്മെന്റ് പണിതത്. എന്നാൽ ഇപ്പോഴിതാ ഇരുവരുടേയും മൂത്ത മകൻ യാത്ര രാജയുടെ ഒരു ബൈക്ക് റൈഡ് വീഡിയോ സോഷ്യൽ മീഡിയയിൽ വൈറലാവുകയാണ്. പേയസ് ഗാർഡനിലുള്ള രജിനികാന്തിന്റെ വീട്ടിൽ നിന്നും ധനുഷിന്റെ വീട്ടിലേക്കുള്ള ആർവൺഫൈവ് ബൈക്കിൽ സഞ്ചരിക്കുന്ന വീഡിയോയാണിത്.
മകന് പതിനെട്ട് വയസ്സ് ആവാത്തത് കൊണ്ടും ഹെൽമറ്റ് വെക്കാത്തതുകൊണ്ടും നിരവധി വിമർശനങ്ങളാണ് സോഷ്യൽ മീഡിയയിൽ ഉയർന്നു വരുന്നത്. ബൈക്ക് ഓടിക്കുന്നത് വഴിയാത്രക്കാരിൽ ഒരാൾ വീഡിയോ എടുത്ത് സോഷ്യൽമീഡിയയിൽ പങ്കുവെക്കുകയായിരുന്നു. വീഡിയോ എടുക്കരുതെന്ന് പറഞ്ഞ് അയാളെ ധനുഷിന്റെ അസിസ്റ്റന്റ് തടയാൻ ശ്രമിക്കുന്നതും വീഡിയോയിൽ കാണാം.
വീഡിയോ സോഷ്യൽ മീഡിയയിൽ വൈറലായതോടെ നിരവധി പേരാണ് ധനുഷിനേയും ഐശ്വര്യയേയും വിമർശിച്ചെത്തിയത്. പതിനെട്ട് വയസ് തികയാത്ത മകന് എന്തിന് ബൈക്ക് നൽകിയെന്നാണ് ആരാധകർ ചോദിക്കുന്നത്. സുരക്ഷിതമായ സ്ഥലത്ത് വാഹനം ഓടിച്ച് പഠിക്കാമായിരുന്നുവെന്നും ഹെൽമറ്റ് വെയ്ക്കണമെന്നുമെല്ലാം കമന്റിൽ അഭിപ്രായങ്ങൾ ഉയരുന്നുണ്ട്.
