തൃശൂര്: ശബരിമല നിയുക്ത മേല്ശാന്തി പുത്തില്ലത്ത് മഹേഷ് നമ്പൂതിരി കെട്ടുനിറച്ച് ശബരിമലയിലേക്ക് പുറപ്പെട്ടു. പാറമേക്കാവ് ക്ഷേത്രത്തില്വെച്ചായിരുന്നു കെട്ടുനിറ. ക്ഷേത്രം തന്ത്രി പുലിയന്നൂര് കൃഷ്ണന് നമ്പൂതിരി, മേല്ശാന്തി വടക്കേടത്ത് വാസുദേവന് നമ്പൂതിരി, പുത്തില്ലത്ത് മധു നമ്പൂതിരി തുടങ്ങിയവര് പങ്കെടുത്തു.
ദീപാരാധനക്ക് ശേഷമാണ് കെട്ടുനിറ നടന്നത്. പാറമേക്കാവ് ദേവസ്വം ഭാരവാഹികള്, ഭക്തജനങ്ങളും കെട്ടുനിറച്ചടങ്ങില് പങ്കെടുത്തു. ഇന്ന് വൈകിട്ടോടെ അദ്ദേഹം ശബരിമലയില് എത്തും. വ്യാഴാഴ്ച അത്താഴപൂജക്കുശേഷമാണ് മേല്ശാന്തി പദവി അദ്ദേഹം ഏറ്റെടുക്കുക.
