ശ്രീനഗര്‍ : ജമ്മുകശ്മീരിലെ ദോഡയില്‍ ബസ് കൊക്കയിലേക്ക് മറിഞ്ഞ് 36 പേര്‍ മരിച്ചു. 19 പേര്‍ക്ക് പരിക്ക്. മലനിരകളിലെ സഞ്ചരിക്കുന്നതിനിടെ ബസ് വളവ് തിരിയുമ്പോള്‍ നിയന്ത്രണം നഷ്ടപ്പെട്ട് കൊക്കയിലേക്ക് പതിക്കുകയായിരുന്നു. പരിക്കേറ്റവരില്‍ 6 പേര്‍ ഗുരുതരാവസ്ഥയിലാണ്.
ബത്തോത്ത – കിഷ്ത്വാര്‍ ദേശീയപാതയില്‍ വെച്ച് 300 അടി താഴ്ചയിലേക്കാണ് ബസ് പതിച്ചത്. ചെങ്കുത്തായ മലനിരകളുള്ള പ്രദേശത്താണ് അപകടമുണ്ടായത്.
55 പേരാണ് ബസിലുണ്ടായിരുന്നത് എന്നാണ് പ്രാഥമിക വിലിരുത്തല്‍. പ്രദേശത്തെ നാട്ടുകാരാണ് ആദ്യം രക്ഷാ പ്രവര്‍ത്തനത്തിനെത്തിയത്. പിന്നീട് പോലീസും സ്ഥലത്തേയ്‌ക്ക് എത്തുകയായിരുന്നു.
പരിക്കേറ്റവരെ ഇവരെ ദോഡ മെഡിക്കല്‍ കോളേജിലേക്ക് മാറ്റി. രക്ഷാപ്രവര്‍ത്തനം ഇപ്പോഴും തുടരുകയാണ്. അപകടത്തില്‍ പ്രധാനമന്ത്രി അനുശോചനം അറിയിച്ചു. മരിച്ചവരുടെ കുടുംബാംഗങ്ങള്‍ക്ക് രണ്ടു ലക്ഷവും പരിക്കേറ്റവര്‍ക്ക് 50,000 രൂപയും കേന്ദ്ര ധനസഹായം പ്രഖ്യാപിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: