ഇന്ത്യയിലെ മൊബൈല്‍ ഫോണുകള് എല്ലാം മെയ്ഡ് ഇന്‍ ചൈനയാണെന്ന രാഹുല്‍ ഗാന്ധിയുടെ പ്രസ്താവനയെ തള്ളി മോദി. ഇന്ത്യ ലോകത്തിലെ രണ്ടാമത്തെ മൊബൈല്‍ ഫോണ്‍ ഉല്‍പാദകരാണെന്നും വിഡ്ഡികളുടെ രാജാവായ രാഹുല്‍ ജീവിക്കുന്നത് ഈ ലോകത്തില്‍ തന്നെയല്ലേയെന്നും മോദി പരിഹസിച്ചു. കാരണം ഇന്ന് ഇന്ത്യ ലോകത്തിലെ രണ്ടാമത്തെ വലിയ മൊബൈല്‍ ഫോണ്‍ ഉല്‍പാദകരാണ്. ഇന്ത്യ. ഇന്ത്യയുടെ പുരോഗതി കാണാതിരിക്കുന്ന രോഗമുള്ളവരാണ് രാഹുല്‍ ഗാന്ധിയും കുടുംബവുമെന്നും മോദി പരിഹസിച്ചു. വീട്ടില്‍ മാത്രം അടച്ചിട്ടിരിക്കുന്ന രോഗം കോണ്‍ഗ്രസിന് ബാധിച്ചു. അവരാരും പുറത്തിറങ്ങാറില്ലെന്നും മോദി പരിഹസിച്ചു.
ജനങ്ങള്‍ക്ക് നല്കുന്ന വാഗ്ദാനങ്ങള്‍ എല്ലാം പാലിക്കും. ഇതാണ് ഞാന്‍ നല്കുന്ന ഗ്യാരണ്ടി. ജമ്മു കശ്മീരിന് പ്രത്യേക പദവി നല്കുന്ന 370ാം വകുപ്പ് എടുത്തുകളയുമെന്ന് കോണ്‍ഗ്രസ് ഒരിയ്‌ക്കലും വിശ്വസിച്ചില്ല. മുത്തലാഖിനെതിരെ നിയമം നടപ്പാക്കി. അയോധ്യയില്‍ രാമക്ഷേത്രം നിര്‍മ്മിക്കും എന്നത് ഒരിയ്‌ക്കലും യാഥാര്‍ത്ഥ്യമാവില്ലെന്ന് കോണ്‍ഗ്രസ് കരുതി. പക്ഷെ ഇത് മൂന്നും ഞങ്ങള്‍ ചെയ്തു.- മോദി അഭിപ്രായപ്പെട്ടു.
മോദി നല്കുന്ന ഗ്യാരണ്ടിക്ക് മുന്നില്‍ അവരുടെ വ്യാജ വാഗ്ദാനങ്ങള്‍ക്ക് നിലനില്‍പില്ലെന്ന് കോണ്‍ഗ്രസിനറിയാം. വാസ്തവത്തില്‍ ബിജെപിയെ സംബന്ധിച്ചിടത്തോളം തെരഞ്ഞെടുപ്പെന്നാല്‍ അഴിമതി അവസാനപ്പിക്കലാണെങ്കില്‍ എങ്ങിനെയെങ്കിലും മധ്യപ്രദേശിനെ കൊള്ളയടിക്കാനാണ് കോണ്‍ഗ്രസ് തെരഞ്ഞെടുപ്പില്‍ മത്സരിക്കുന്നു.- മോദി പറ‍ഞ്ഞു.
പ്രതികരിക്കാൻ ഇവിടെ എഴുതുക: