കൊച്ചി: ശക്തമായ കാറ്റിലും മഴയിലും കൊച്ചിയില് വ്യാപക നാശം. ഇന്ഫോ പാര്ക്കിന് സമീപം മരങ്ങള് കടപുഴകി വൈദ്യുതി പോസ്റ്റുകള് തകര്ന്നു.
കാക്കനാട് ബെവ്കോ ഔട്ട്ലെറ്റില് കാറ്റടിച്ച് മദ്യക്കുപ്പികള് നിലത്തു വീണ് പൊട്ടി. വലിയ നഷ്ടം സംഭവിച്ചെന്നാണ് റിപ്പോര്ട്ട്.
ഉച്ചക്ക് രണ്ട് മണിയോടെ തുടങ്ങിയ മഴ വൈകുന്നേരത്തോടെ ശക്തി പ്രാപിച്ചു.ഇന്ഫോ പാര്ക്ക് ഫേസ് ടു മുതല് സബ് സ്റ്റേഷന് വരെയുള്ള പ്രദേശത്ത് മരങ്ങള് ഒടിഞ്ഞു വീണു.
അഗ്നിശമന സേന എത്തി മരങ്ങള് വെട്ടി മാറ്റിയെങ്കിലും ഗതാഗത കുരുക്ക് ഏറെ നേരമുണ്ടായിരുന്നു. വൈദ്യുതി ബന്ധം പൂര്ണമായും പുനസ്ഥാപിക്കാന് ഇനിയും സമയമെടുക്കുമെന്ന് കെഎസ്ഇബി അറിയിച്ചു.
