തിരുവനന്തപുരം: സെക്രട്ടേറിയറ്റിന് ബോംബ് ഉള്ളതായി ഭീഷണി സന്ദേശം. സെക്രട്ടറിയേറ്റിലും പരിസരത്തും ബോംബ് സ്‌ക്വാഡെത്തി പരിശോധന നടത്തുകയാണ്. ഇന്ന് രാവിലെ 11 മണിയോടെയാണ് പോലീസ് ആസ്ഥാനത്തെ കണ്‍ട്രോള്‍ റൂമിലാണ് സന്ദേശമെത്തിയത്.
112 എന്ന കണ്‍ട്രോള്‍ റൂമിലേക്കാണ് ഫോണ്‍ വന്നത്. ഉച്ചയ്‌ക്ക് മുന്നേ ബോംബ് വെയ്‌ക്കുമെന്നായിരുന്നു സന്ദേശം. കൊളത്തൂര്‍ പൊഴിയൂരില്‍ നിന്നാണ് സന്ദേശമെത്തിയതെന്ന് പോലീസ് കണ്ടെത്തിയിട്ടുണ്ട്.
അതേസമയം കുളത്തൂര്‍ സ്വദേശി നിതിന്‍ എന്നയാളാണ് ഫോണ്‍ വിളിച്ചതെന്നാണ് പോലീസിന്റെ കണ്ടെത്തല്‍. ഇയാള്‍ക്ക് ചെറിയ മാനസിക പ്രശ്നങ്ങളുണ്ട്. ഫോണ്‍ ഭീഷണിയില്‍ പേടിക്കേണ്ടതായി ഒന്നുമില്ലെന്നാണ് പോലീസില്‍ നിന്നും അറിയാന്‍ സാധിക്കുന്നത്.
കഴിഞ്ഞ ദിവസം മുഖ്യമന്ത്രിയേയും ഭീഷണിപ്പെടുത്തി ഫോണ്‍ സന്ദേശം വന്നിരുന്നു. തുടര്‍ന്ന് നടത്തിയ അന്വേഷണത്തില്‍ എറണാകുളം സ്വദേശിയായ വിദ്യാര്‍ത്ഥിയാണ് ഫോണ്‍ ചെയ്തതെന്നും കണ്ടെത്തിയിരുന്നു.
പ്രതികരിക്കാൻ ഇവിടെ എഴുതുക: