റിലയൻസ് ഫൗണ്ടേഷന്റെ ബിരുദാനന്തര ബിരുദ സ്‌കോളർഷിപ്പുകൾക്ക് ഡിസംബർ 17-വരെ അപേക്ഷിക്കാം. ഒമ്പത് പഠന മേഖലകളിലെ ഒന്നാം വർഷ ബിരുദാനന്തര ബിരുദ വിദ്യാർത്ഥികൾക്കാണ് അപേക്ഷിക്കാൻ അവസരം. ഡിജിറ്റൽ, പുനരുപയോഗ ഊർജം, ബയോടെക്നോളജി എന്നിങ്ങനെ വിവിധ സാങ്കേതിക മേഖലകളിലെ വികസനമാണ് സ്‌കോളർഷിപ്പ് കൊണ്ട് ലക്ഷ്യം വെക്കുന്നത്.
അർഹരായ 100 വിദ്യാർത്ഥികളെയാണ് സ്‌കോളർഷിപ്പിന് വേണ്ടി തിരഞ്ഞെടുക്കുന്നത്. വിദഗ്ധരുമായുള്ള ആശയവിനിമയം, മേഖലയുമായുള്ള പരിചയം, സന്നദ്ധപ്രവർത്തന അവസരങ്ങൾ എന്നിവ ഉൾപ്പെടുന്ന സമഗ്ര വികസന പരിപാടിയിൽ പങ്കെടുക്കാനാകും. പഠന കാലയളവിലേക്ക് ആറ് ലക്ഷം രൂപ വരെ ഗ്രാന്റും നൽകും.
അപേക്ഷാ മൂല്യ നിർണ്ണയം, അഭിരുചി പരീക്ഷ, വിദഗ്ധരുമായുള്ള അഭിമുഖം എന്നിവയ്‌ക്ക് ശേഷമാകും യോഗ്യരായ വിദ്യാർത്ഥികളെ തിരഞ്ഞെടുക്കുക. ഡിസംബർ 17-ന് മുമ്പ് അപേക്ഷകൾ സമർപ്പിക്കണം. കൂടുതൽ വിവരങ്ങൾക്ക് reliancefoundation.org എന്ന വെബ്‌സൈറ്റ് സന്ദർശിക്കാവുന്നതാണ്.
പ്രതികരിക്കാൻ ഇവിടെ എഴുതുക: