കല്‍പ്പറ്റ: പുല്‍പ്പള്ളി സര്‍വീസ് സഹകരണ ബാങ്ക് വായ്പാ തട്ടിപ്പ് കേസില്‍ ബാങ്കിന്റെ മുന്‍ പ്രസിന്റും മുന്‍ കെപിസിസി ജനറല്‍ സെക്രട്ടറിയുമായ കെ.കെ. എബ്രഹാം എന്‍ഫോഴ്‌മെന്റ് ഡയറക്ടറേറ്റ് അറസ്റ്റ് ചെയ്തു. വായ്‌പ്പാ തട്ടിപ്പുമായി ബന്ധപ്പെട്ട ആരോപണങ്ങളെ തുടര്‍ന്നാണ് കോണ്‍ഗ്രസ് നേതാവിനെ അറസ്റ്റ് ചെയ്തത്.
സര്‍വീസ് സഹകരണ ബാങ്കിലെ വായ്‌പ്പാ തട്ടിപ്പുമായി ബന്ധപ്പെട്ട് കേളക്കവല ഇടയിലാത്ത് രാജേന്ദ്രന്‍ നായര്‍ ആത്മഹത്യ ചെയ്തിരുന്നു. ഇതിനെ തുടര്‍ന്ന് നാട്ടുകാര്‍ വ്യാപകമായി പ്രതിഷേധവുമായി രംഗത്തെത്തിയതോടെയാണ് കേസ് ശക്തമായതും, ഇഡിയും അന്വേഷണം ആരംഭിക്കുന്നത്.
നാട്ടുകാരുടെ പ്രതിഷേധങ്ങളെ തുടര്‍ന്ന് എബ്രഹാമിനേയും സെക്രട്ടറി കെ.ടി. രമാദേവിയേയും പോലീസ് ജൂണില്‍ അറസ്റ്റ് ചെയ്തിരുന്നു. പ്രസിഡന്റും ഭരണ സമിതി അംഗങ്ങളും ഉള്‍പ്പടെ 10 പേരാണ് കേസില്‍ പ്രതിപ്പട്ടികയില്‍ ഉള്ളത്.
പ്രതികരിക്കാൻ ഇവിടെ എഴുതുക: