കൊച്ചി : ആലുവയില് അഞ്ചുവയസ്സുകാരിയെ അതിക്രൂരമായി പീഡിപ്പിച്ച് കൊന്ന കേസില് പ്രതി അസ്ഫാക് ആലത്തിന്റെ മാനബസിക പരിശോധനാ റിപ്പോര്ട്ട് കോടതിയില് നല്കി. നാളെ കേസ് വീണ്ടും കോടതി പരിഗണിക്കും. ജീവപര്യന്തവും വധശിഷ്യയും അടക്കം ലഭിക്കാവുന്ന കുറ്റങ്ങളാണ് അസ്ഫാക്കിനെതിരെ ചുമത്തിയിട്ടുള്ളത്.
നേരത്തെ അസ്ഫാക് ആലം കുറ്റക്കാരനെന്ന് കണ്ടെത്തിയതിനൊപ്പം കേസില് വിധി പ്രസ്താവന നടത്തുന്നതിനായി പ്രതിയുടെ മാനസിക നില പരിശോധനാ റിപ്പോര്ട്ട് നല്കണമെന്ന് ആവശ്യപ്പെട്ടിരുന്നു. തുടര്ന്ന് ഇന്ന് മുദ്രവെച്ച കവറിലാണ് പോക്സോ കോടതിക്ക് റിപ്പോര്ട്ട് കൈമാറിയത്. സംസ്ഥാന സര്ക്കാര്, ആലുവ ജയില് അധികൃതര്, ജില്ലാ പ്രൊബേഷനറി ഓഫീസര് എന്നിവരാണ് റിപ്പോര്ട്ട് നല്കിയത്. ഇതിനിടെ ഇരയുടെ കുടുംബവും കോടതിയിലെത്തി. ശിക്ഷയുടെ കാര്യത്തില് കുടുംബത്തിന് പറയാനുള്ളതും രേഖാമൂലം കോടതിയെ അറിയിച്ചിട്ടുണ്ട്.
ആലുവയിലെ അഞ്ചുവയസ്സുകാരിക്ക് നേരെയുണ്ടായത് സമാനതകളില്ലാത്ത ക്രൂരതയാണെന്നും പ്രതിക്ക് യാതൊരു വിധത്തിലുള്ള മാനസിക പ്രശ്നങ്ങളും ഇല്ലെന്നും 100 ദിവസം പ്രതിയില് യാതൊരു വിധത്തിലുള്ള മാറ്റവും ഉണ്ടാക്കിയിട്ടില്ലെന്നും നേരത്തെ പ്രോസിക്യൂഷന് ചൂണ്ടിക്കാണിച്ചിരുന്നു. റിപ്പോര്ട്ടുകള് സമര്പ്പിച്ചതോടെ നാളെയായിരിക്കും കേസിന്റെ ശിക്ഷാവിധിയിലെ വാദം കേള്ക്കുക.
അപൂര്വ്വങ്ങളില് അപൂര്വ്വങ്ങളായ കേസായിട്ടാണ് ഇത് പരിഗണിക്കുന്നതെന്നും പ്രോസിക്യൂഷന് അഭിഭാഷകന് പറഞ്ഞിരുന്നു. പ്രതി അസ്ഫാക് ആലത്തിന് വധശിക്ഷ തന്നെ നല്കണമെന്നാണ് പെണ്കുട്ടിയുടെ മാതാപിതാക്കള് പറയുന്നത്. പ്രതിക്ക് പരമാവധി ശിക്ഷ നല്കിയാലെ തന്റെ മകള്ക്ക് നീതി ലഭിക്കൂ പ്രതി കുറ്റക്കാരനെന്ന് കണ്ടെത്തിയതില് നന്ദിയുണ്ടെന്നുമായിരുന്നു കുട്ടയുടെ രക്ഷിതാക്കള് പ്രതികരിച്ചത്.
