തിരുവനന്തപുരം : ക്രമക്കേടുകളെ തുടര്‍ന്ന് തിരുവനന്തപുരം കണ്ടല സര്‍വ്വീസ് ഭരണസമിതി അംഗങ്ങളുടെ വീടുകളില്‍ ഇഡി പരിശോധന. ബാങ്കിലെ മുന്‍ സെക്രട്ടറിമാരുടെ വീടുകളിലാണ് എന്‍ഫോഴ്‌സ്‌മെന്റ് ഡയറക്ടറേറ്റ് ഉദ്യോഗസ്ഥര്‍ പരിശോധന നടത്തുന്നത്.
ബാങ്കിലെ മുന്‍ സെക്രട്ടറിമാരായ ശാന്തകുമാരി രാജേന്ദ്രന്‍, മോഹന ചന്ദ്രന്‍ എന്നിവരുടെ വീട്ടിലും കളക്ഷന്‍ ഏജന്റ് അനിയുടെ വീട്ടിലുമാണ് ഇ.ഡി പരിശോധന നടത്തുന്നത്. ഇന്ന് പുലര്‍ച്ചെ അഞ്ചരമണിയോടെയാണ് എറണാകുളത്ത് നിന്നെത്തിയ ഇ.ഡി സംഘം വീടുകളില്‍ പരിശോധന ആരംഭിച്ചത്.
നിക്ഷേപകര്‍ക്ക് പണം പിന്‍വലിക്കാനാകുന്നില്ലെന്നും കണ്ടല സര്‍വീസ് സഹകരണ ബാങ്കില്‍ വന്‍ സാമ്പത്തിക ക്രമക്കേട് നടന്നിട്ടുണ്ടെന്നും നിരവധി ആരോപണങ്ങളാണ് ഭരണ സമിതിക്കെതിരെ ഉയര്‍ന്നിട്ടുള്ളത്. അതേസമയം ആരോപണവിധേയരായ ഭരണസമിതി അംഗങ്ങളെ സിപിഎം സംരക്ഷിക്കുകയാണെന്നും നിക്ഷേപകര്‍ വിമര്‍ശിച്ചു.
പ്രതികരിക്കാൻ ഇവിടെ എഴുതുക: