പാലക്കാട്: സ്കൂളിലെ ക്ലാസ് മുറിക്കുളളില് വിദ്യാര്ത്ഥിനിക്ക് തെരുവുനായയുടെ കടിയേറ്റു. മണ്ണാര്ക്കാടാണ് സംഭവം.
ആറാം ക്ലാസ് വിദ്യാര്ത്ഥിനിക്കാണ് രാവിലെ പത്തരയോടെ ക്ലാസ് നടക്കുന്ന സമയത്ത് കടിയേറ്റത്. ആദ്യ പീരിയഡ് നടക്കുന്ന സമയത്താണ് വാതിലിന് സമീപം ഒന്നാമത്തെ ബെഞ്ചിലിരുന്ന വിദ്യാര്ത്ഥിനിക്ക് കടിയേറ്റത്.
നായ പെട്ടെന്ന് അകത്തേക്ക് പാഞ്ഞുകയറി കുട്ടിയുടെ വലതുഭാഗത്തെ ഇടുപ്പില് കടിയേല്ക്കുകയായിരുന്നു.കുട്ടിയെ ആശുപത്രിയിലേക്ക് മാറ്റി. അധ്യാപകര് ചേര്ന്നാണ് നായയെ ഓടിച്ചത്.
രണ്ടാഴ്ചയിലേറെയായി സ്കൂള് പരിസരത്ത് നായശല്യം കൂടുതലാണെന്ന് കുട്ടിയുടെ പിതാവ് പറഞ്ഞു. നായ് സ്കൂള് പരിസരത്ത് ഓടി നടക്കുന്നത് കണ്ടതിനോ തുടര്ന്ന് ക്ലാസ് മുറികള് അടച്ചിടണമെന്ന് ഹെഡ്മാസ്റ്റര് നിര്ദ്ദേശം നല്കിയിരുന്നു. എന്നാല് ക്ലാസ് മുറി തള്ളിത്തുറന്ന് നായ അകത്ത് കയറി കുട്ടിയെ കടിക്കുകയായിരുന്നു.
