കൊല്‍ക്കത്ത: ജന്മദിനത്തില്‍ ദിനത്തില്‍ ഇരട്ടി മധുരം നുകര്‍ന്ന് വിരാട് കോഹ്ലി. 49ാം സെഞ്ചറിയുമായി ഏകദിന സെഞ്ചറികളുടെ എണ്ണത്തില്‍ കോലി ക്രിക്കറ്റ് ഇതിഹാസം സച്ചിന്‍ തെന്‍ഡുല്‍ക്കര്‍ക്കൊപ്പമെത്തി. അതിനോടൊപ്പം ജന്മദിനത്തില്‍ സെഞ്ചറി നേടി താരങ്ങളുടെ ചുരുക്ക പട്ടികയിലും കോഹ്ലി ഇടം പിടിച്ചു.
119 പന്തുകളില്‍നിന്നാണ് കോലി സെഞ്ചറി തികച്ചത്. തുടര്‍ന്ന് ഒരു റണ്ണു കൂടിയെടുത്തതിനു പിന്നാലെ ഔട്ട ആകുകയായിരുന്നു. ഏകദിന ലോകകപ്പില്‍ ദക്ഷിണാഫ്രിക്കയ്‌ക്കെതിരെ ടോസ് നേടി ബാറ്റിങ് തെരഞ്ഞെടുത്ത ഇന്ത്യ മികച്ച സ്‌കോറിലേക്ക്.
മത്സരം 49 ഓവറുകള്‍ പിന്നിടുമ്പോള്‍ അഞ്ച് വിക്കറ്റ് നഷ്ടത്തില്‍ 326 റണ്‍സെന്ന നിലയിലാണ് ഇന്ത്യ. ദക്ഷിണാഫ്രിക്ക ജയിക്കാന്‍ 326 റണ്‍സ് എടുക്കണം. ഓപ്പണര്‍മാരായ രോഹിത് ശര്‍മയും (24 പന്തില്‍ 40), ശുഭ്മന്‍ ഗില്ലുമാണ് (24 പന്തില്‍ 23) പുറത്തായത്. 62 റണ്‍സ് കൂട്ടിച്ചേര്‍ത്ത ശേഷമായിരുന്നു ഓപ്പണിങ് കൂട്ടുകെട്ട് പൊളിഞ്ഞത്. ടോസ് നേടിയ ക്യാപ്റ്റന്‍ രോഹിത് ശര്‍മ ബാറ്റിങ് തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: