ബീജിംഗ്: തായ്‌വാന്റെ സ്വാതന്ത്ര്യത്തോട് ചൈന ഒരു ദയയും കാണിക്കില്ലെന്ന് ചൈനീസ് സൈനിക ഉദ്യോഗസ്ഥന്‍. രാജ്യത്തെ സായുധ സേനയുടെ ഉന്നത ശ്രേണിയില്‍ പ്രക്ഷുബ്ധത നിലനില്‍ക്കെയാണ് ഇത് സംഭവിക്കുന്നതെന്ന് വോയ്‌സ് ഓഫ് അമേരിക്ക (വിഒഎ) റിപ്പോര്‍ട്ട് ചെയ്തു.
തായ്‌വാനെ ചൈനയില്‍ നിന്ന് വേര്‍പെടുത്താന്‍ ആരു ആഗ്രഹിച്ചാലും, ചൈനീസ് സൈന്യം ഒരിക്കലും സമ്മതിക്കില്ല, അവരോട് ഒരു ദയയുമുണ്ടാകില്ലെന്നും ചൈനയുടെ സെന്‍ട്രല്‍ മിലിട്ടറി കമ്മീഷന്‍ (സിഎംസി) വൈസ് ചെയര്‍മാന്‍ ജനറല്‍ ഷാങ് യൂക്സിയ പറഞ്ഞു.
തിങ്കളാഴ്ച ബെയ്ജിംഗില്‍ നടന്ന പത്താം സിയാങ്ഷാന്‍ ഫോറത്തിലാണ് അദ്ദേഹത്തിന്റെ പരാമര്‍ശം. രണ്ട് ദിവസത്തെ ഫോറത്തില്‍ 1,800ലധികം ആളുകള്‍ പങ്കെടുത്തു. സൈനിക നയതന്ത്രത്തില്‍ ശ്രദ്ധ കേന്ദ്രീകരിച്ച ചൈനയുടെ ഏറ്റവും വലിയ വാര്‍ഷിക പരിപാടിയാണിത്.
പങ്കെടുത്തവരില്‍ 19 രാജ്യങ്ങളില്‍ നിന്നുള്ള 99 ഔദ്യോഗിക പ്രതിനിധികളും പ്രതിരോധ മന്ത്രിമാരും സൈനിക മേധാവികളും അന്താരാഷ്‌ട്ര സംഘടനാ പ്രതിനിധികളും വിദഗ്ധരും പണ്ഡിതരും നിരീക്ഷകരും ഉള്‍പ്പെടുന്നുവെന്ന് ചൈനയുടെ ഔദ്യോഗിക വാര്‍ത്താ ഏജന്‍സിയായ സിന്‍ഹുവ റിപ്പോര്‍ട്ട് ചെയ്തു.
പ്രതികരിക്കാൻ ഇവിടെ എഴുതുക: