ചേര്ത്തല: മുസ്ലിംലീഗ് കോണ്ഗ്രസിനെ മുത്തലാഖ് ചൊല്ലുന്ന സമയമടുത്തെന്ന് ബിജെപി സംസ്ഥാന അദ്ധ്യക്ഷന് കെ. സുരേന്ദ്രന്. എന്ഡിഎ സംസ്ഥാന നേതൃശില്പശാലയില് അദ്ധ്യക്ഷ പ്രസംഗം നടത്തുകയായിരുന്നു അദ്ദേഹം.
അധികാരമില്ലാത്ത കോണ്ഗ്രസിനൊപ്പം എന്തിനാണു നില്ക്കുന്നതെന്നാണ് മുസ്ലിംലീഗ് നേതാക്കള് ചിന്തിക്കുന്നത്. അടുത്ത തെരഞ്ഞെടുപ്പോടെ കോണ്ഗ്രസ് കേരള രാഷട്രീയത്തിലെ കീറത്തുണിയായി മാറും. മതതീവ്രവാദ രാഷ്ട്രീയത്തെ പിന്തുണച്ച് സംസ്ഥാനത്ത് എല്ഡിഎഫും യുഡിഎഫും ജനങ്ങളുടെ സമാധാന ജീവിതത്തെ വെല്ലുവിളിക്കുകയാണ്.
മുസ്ലിംലീഗടക്കമുള്ള വര്ഗീയപാര്ട്ടികള് നടപ്പാക്കുന്നതെന്താണോ അതാണ് ഇന്നു എല്ഡിഎഫും യുഡിഎഫും സ്വീകരിക്കുന്നത്. ഇതു ജനാധിപത്യമല്ല, വോട്ടിനുവേണ്ടിയുള്ള പ്രീണനമാണ്. കേരളത്തിലെ ജനവിരുദ്ധ നയങ്ങള്ക്കെതിരെ ശക്തമായ സമരം തുടങ്ങുമെന്നും അദ്ദേഹം പറഞ്ഞു.
മത്സരിക്കാന് വേണ്ടി മാത്രമാകരുത് ജയിക്കാന് വേണ്ടിയാകണം ഇനി എന്ഡിഎ സ്ഥാനാര്ത്ഥികള് രംഗത്തുവരേണ്ടതെന്ന് എന്ഡിഎ സംസ്ഥാന കണ്വീനര് തുഷാര് വെള്ളാപ്പള്ളി പറഞ്ഞു. താഴെത്തട്ടിലെ പ്രവര്ത്തന വൈകല്യങ്ങള് തിരുത്തി ഒന്നിച്ചു മുന്നോട്ടുപോയാലെ നേട്ടമുണ്ടാക്കാനാകുവെന്നും അദ്ദേഹം പറഞ്ഞു.
