അഹമ്മദാബാദ്: തുടര്‍ച്ചയായ അഞ്ചാം ജയത്തോടെ മുന്‍ ലോക ചാമ്പ്യന്‍മാരായ ഓസ്ട്രേലിയ 13-ാം ലോകകപ്പ് ക്രിക്കറ്റില്‍ സെമി സാധ്യത ഭദ്രമാക്കി. പത്ത് പോയിന്റുമായി പട്ടികയില്‍ ദക്ഷിണാഫ്രിക്കയ്‌ക്ക് പിന്നില്‍ മൂന്നാം സ്ഥാനത്താണ് ടീം. ഇന്നലെ ഇംഗ്ലണ്ടിനെ തോല്‍പ്പിച്ചത് 33 റണ്‍സിന്.
ബാറ്റിങ്ങിലും ബൗളിങ്ങിലും ഒരുപോലെ പോരാട്ടവീര്യം പുറത്തെടുത്താണ് ഓസീസ് വിജയം നേടിയെടുത്തത്. ടോസ് നഷ്ടപ്പെട്ട ടീം ആദ്യം ബാറ്റ് ചെയ്ത് 49.3 ഓവറില്‍ 286 റണ്‍സെടുത്ത് എല്ലാവരും പുറത്തായി. മറുപടി ബാറ്റിങ്ങില്‍ ഇംഗ്ലണ്ടിന് 253 റണ്‍സെടുക്കാനേ സാധിച്ചുള്ളൂ. ബോറ്റിങ്ങില്‍ 71 റണ്‍സുമായി മാര്‍നസ് ലബൂഷെയ്‌നും ബോളിങ്ങില്‍ സ്പിന്നര്‍ ആദം സാംപയും(3-21)ഓസീസിനായി തിളങ്ങി.
പ്രതികരിക്കാൻ ഇവിടെ എഴുതുക: