മേപ്പാടി: മേപ്പാടി എളമ്പിലേരിയില്‍ കാട്ടാനയുടെ ആക്രമണത്തില്‍ തോട്ടം തൊഴിലാളി കൊല്ലപ്പെട്ടു. എളമ്പിലേരി ചോലമല സ്വദേശി കുഞ്ഞവറാന്‍ (58) ആണ് കൊല്ലപ്പെട്ടത്. ഇന്നലെ രാവിലെ ഏലത്തോട്ടത്തില്‍ ജോലിക്ക് പോകുമ്പോള്‍ വഴിയില്‍ കാട്ടാന ആക്രമിക്കുകയായിരുന്നു.
എളമ്പലരി ട്രാന്‍സ്‌ഫോര്‍മറിന് സമീപം വച്ചായിരുന്നു കാട്ടാനയുടെ ആക്രമണം. പ്രദേശത്ത് കഴിഞ്ഞ ഒരാഴ്‌ച്ചയായി കാട്ടാന ശല്യം ഉണ്ടായിരുന്നതായി നാട്ടുകാര്‍ പറയുന്നു. മേപ്പാടി പോലീസും വനപാലകരും സ്ഥലത്തെത്തി തുടര്‍ നടപടികള്‍ സ്വീകരിച്ചു.
കുഞ്ഞായിഷ ആണ് ഭാര്യ. ഫര്‍സീന, ഷെറീന, റിഷാന, ഷഫീന, മുഹമ്മദ് യൂസഫ് എന്നിവര്‍ മക്കളാണ്.
പ്രതികരിക്കാൻ ഇവിടെ എഴുതുക: