കൊച്ചി : പരിശീലന പറക്കലിനിടെ നാവികസേന ഹെലികോപ്റ്റര്‍ അപകടത്തില്‍ പെട്ടു. ഒരാള്‍ മരിച്ചെന്നാണ് പ്രാഥമിക വിവരം. മറ്റൊരാള്‍ക്ക് ഗുരുതര പരിക്കേറ്റെന്നും സൂചനയുണ്ട്. കൊച്ചി നാവികസേന ആസ്ഥാനത്തെ ഐഎന്‍എസ് ഗരുഡ റണ്‍വേയിലാണ് അപകടമുണ്ടായത്.
ഐഎൻഎസ് ഗരുഡയുടെ ചേതക് ഹെലികോപ്റ്ററാണ് തകർന്ന് വീണത്. പറന്നുയരവെ കോപ്ടർ അപകടത്തില്‍ പെടുകയായിരുന്നു. റൺവേയിൽ ആയിരുന്നു ഹെലികോപ്റ്റർ തകർന്നു വീണത്. ടെക്‌നീഷ്യനും പൈലറ്റും ഉൾപ്പെടെ രണ്ട് പേരാണ് ഹെലികോപ്റ്ററിൽ ഉണ്ടായിരുന്നത്. സംഭവത്തിന്റെ കൂടുതൽ വിശദാംശങ്ങൾ ലഭ്യമല്ല.
അപകടത്തിന്റെ കാരണം വ്യക്തമല്ല. സംഭവത്തിൽ അന്വേഷണം തുടരുകയാണ്. തിരച്ചിലിനും ട്രാൻസ്‌പോർട്ടേഷനും വേണ്ടി ഉപയോഗിക്കുന്ന ഹെലികോപ്റ്റർ ആണ് തേജസ്.
പ്രതികരിക്കാൻ ഇവിടെ എഴുതുക: