ബീജാപൂര്‍: ഛത്തീസ്ഗഡിലെ ബീജാപൂരില്‍ നക്‌സലുകള്‍ സ്ഥാപിച്ച ഇംപ്രൊവൈസ്ഡ് എക്‌സ്‌പ്ലോസീവ് ഡിവൈസ് (ഐഇഡി) ബോംബ് നിര്‍വീര്യമാക്കുന്നതിനിടെ സിആര്‍പിഎഫ് ജവാന്‍ പരിക്കേറ്റു.
ഗംഗളൂര്‍ പോലീസ് സ്‌റ്റേഷന്‍ പരിധിയിലെ ബുര്‍ജി ഗ്രാമത്തിന്റെ കിഴക്ക് ഭാഗത്ത് നിന്ന് മൂന്ന് കിലോഗ്രാം ഐഇഡി കണ്ടെടുത്തതായി സിആര്‍പിഎഫ് ഉദ്യോഗസ്ഥര്‍ പറഞ്ഞു. സിആര്‍പിഎഫിന്റെ 85ാം ബറ്റാലിയന്‍ സംഘം നടത്തിയ തിരച്ചിലിലാണ് ഐഇഡി കണ്ടെടുത്തത്.
85 ബറ്റാലിയന്‍ കോര്‍പ്‌സ് സൈനികന്‍ പ്രശാന്ത് ഭൂയയ്‌ക്ക് ഐഇഡി നിര്‍വീര്യമാക്കുന്നതിനിടെ ചെറിയ പരിക്കേറ്റുവെന്ന് സിആര്‍പിഎഫ് ഉദ്യോഗസ്ഥന്‍ പറഞ്ഞു. പുസ്‌നര്‍ ക്യാമ്പിലെ മെഡിക്കല്‍ ഓഫീസറാണ് ചികിത്സ നടത്തുന്നതെന്നും സൈനികന്‍ സുരക്ഷിതനാണെന്നും ഉദ്യോഗസ്ഥര്‍ കൂട്ടിച്ചേര്‍ത്തു. കൂടുതല്‍ അന്വേഷണം നടന്നുവരികയാണ്.
പ്രതികരിക്കാൻ ഇവിടെ എഴുതുക: