തിരുവനന്തപുരം: മാധ്യമപ്രവര്‍ത്തകയ്‌ക്കെതിരായ സുരേഷ് ഗോപിയുടെ പെരുമാറ്റത്തിന്റെ പേരില്‍ മനോരമ ടിവി ചാനലില്‍ ഷാനി പ്രഭാകര്‍ നടത്തിയ ‘പറയാതെ വയ്യ’യില്‍ നടത്തിയ സുരേഷ് ഗോപി വധത്തിനെതിരെ ആഞ്ഞടിച്ച് ദേശാഭിമാനി പത്രത്തിന്റെ മുന്‍ അസോസിയേറ്റ് എഡിറ്ററായ ജി.ശക്തിധരന്‍.
“സുരേഷ് ഗോപിയെപ്പോലെ ചലച്ചിത്ര രംഗത്തു ദശാബ്ദങ്ങൾ പിന്നിട്ട , ലബ്ധപ്രതിഷ്‌ഠനായ നടൻ എന്ന നിലയ്‌ക്ക് പേരെടുത്ത ഒരാളോട് കാട്ടേണ്ട ആദരവിന്റെ കണിക പോലും അവതാരക ഇവിടെ കാണിച്ചില്ല, എന്നുമാത്രമല്ല ഓരോ നാലോ അഞ്ചോ വരികൾ പറഞ്ഞുടനെ കഥാനായകനെ ചവിട്ടിയരക്കുന്ന വിഷസൂചി കുത്തികയറ്റിക്കൊണ്ടിരുന്ന ഈ പരിപാടിയെ മലയാളമനോരമ ന്യൂസിന്റെ സ്ത്രീപക്ഷ മാനിഫെസ്റ്റോയായി കാണക്കാക്കണമെങ്കിൽ ആ മാധ്യമം വലിയ വില നൽകേണ്ടിവരും”- ജി. ശക്തിധരന്‍ പറയുന്നു.
ഷാനി പ്രഭാകറിന്റെ പറയാതെ വയ്യ പരിപാടി:
സുരേഷ് ഗോപിയെ “സുരേഷ് ഗോപി ഒരു വിടനാണോ? സ്ത്രീ വിരുദ്ധതയിൽ ഹാബിച്വൽ ഒഫൻഡർ ആണോ? വിവാദം മൂപ്പിച്ചെടുക്കാൻ മനോരമയിൽ ആർക്കാണ്‌ ഇത്ര അത്യാർത്തി?ചലച്ചിത്ര രംഗത്തു ദശാബ്ദങ്ങൾ പ്രവർത്തിച്ചിട്ടും സ്ത്രീകളെ ശല്യം ചെയ്തതായി ഒരു നേരിയ ആരോപണം പോലും സുരേഷ് ഗോപിക്കെതിരെ ഇന്നോളം ഉയർന്നിട്ടില്ല എന്ന സത്യം മാത്രം ഷാനിയുടെ വായിൽ നിന്ന് ആ പരിപാടിയിൽ പുറത്തുവരാത്തത് വായിൽ പഴം കയറ്റിവെച്ചിരുന്നതുകൊണ്ടാണോ?”- ശക്തിധരന്‍ ചോദിക്കുന്നു.
സ്ത്രീകളെക്കാണുമ്പോൾ മാത്രം പിതാവായും സഹോദരനായും വാത്സല്യഭാവം ഉണരുന്നതുതന്നെ സ്ത്രീവിരുദ്ധതയാണെന്നു ” അവതാരക വിളിച്ചുപറയുമ്പോൾ സ്വന്തം മകൾ നഷ്ടപ്പെട്ടതിന്റെ കനലുകൾ ഇപ്പോഴും കത്തിക്കൊണ്ടിരിക്കുന്ന മനസുമായി കഴിയുന്ന ആ പിതാവിന്റെ മനസ്സ് അതിനു മാപ്പുനൽകട്ടെ. – ശക്തിധരന്‍ പറയുന്നു. .
പ്രതികരിക്കാൻ ഇവിടെ എഴുതുക