മൂന്നാര്: മൂന്നാറിലെ കയ്യേറ്റങ്ങള് വീണ്ടും ഒഴിപ്പിച്ച് റവന്യൂ വകുപ്പ്.ടൗണിലും മൂന്നാര് വില്ലേജ് ഓഫീസിന് സമീപവുമുള്ള കയ്യേറ്റങ്ങളാണ് ഒഴിപ്പിച്ചത്. വൈകുന്നേരത്തോടെയായിരുന്നു ഇത്.
മൂന്നാര് ടൗണില് നല്ലതണ്ണി ജംഗ്ഷനില് സര്ക്കാര് പുറമ്പോക്ക് ഭൂമിയിലെ കട ഒഴിപ്പിച്ചു. ഇതേ തുടര്ന്നാണ് നടപടി. ഉദ്യോഗസ്ഥര് കടയുടെ മുമ്പില് സര്ക്കാര് ബോര്ഡും സ്ഥാപിച്ചു. ഇവിടെ എട്ട് കടകള് ഒഴിപ്പിക്കാന് ഹൈക്കോടതി നേരത്തെ ഉത്തരവിട്ടിരുന്നു.
ദൗത്യസംഘം മൂന്നാര് വില്ലേജ് ഓഫീസിന് സമീപം കയ്യേറിയ പത്ത് സെന്റ് ഭൂമിയും ഒഴിപ്പിച്ചു. കയ്യേറ്റങ്ങള് ഒഴിപ്പിക്കുമ്പോള് താമസക്കാരെ ഒഴിപ്പിക്കരുതെന്ന് ഹൈക്കോടതി നിര്ദേശിച്ചിരുന്നു. കയ്യേറ്റം ഒഴിപ്പിക്കുമ്പോള് തുടര് ഉത്തരവുണ്ടാകുന്നതുവരെ കെട്ടിടങ്ങള് പൊളിക്കരുതെന്നും നിര്ദേശമുണ്ട്.
