കോഴിക്കോട്: കഴിഞ്ഞ ദിവസം കോഴിക്കോട് കടപ്പുറത്ത് മണലില് തീര്ത്ത ‘നായ’ രൂപം സോഷ്യല് മീഡിയകളില് വൈറല് ആവുമ്പോള് അതിന്റെ ശില്പി ആറാം ക്ലാസുകാരന് കാശിനാഥ് ഇതൊന്നുമറിയാതെ സ്കൂള് തിരക്കിലാണ്.
ചെറിയ പ്രായത്തില് തന്നെ കളിമണ്ണില് രൂപം ഉണ്ടാക്കാന് മിടുക്കനായ കാശിനാഥ് സ്കൂള് കലോത്സവങ്ങളില് സബ് ജില്ലയില് അടക്കം സ്ഥിരം വിജയിആണ്. സമകാലിക വിഷയങ്ങളെ ആസ്പദമാക്കി നിരവധി ചിത്രങ്ങള് കാശിനാഥ് വരച്ചിട്ടുണ്ട്. മുന് മുഖ്യമന്ത്രി ഉമ്മന്ചാണ്ടി, ആര്ട്ടിസ്റ്റ് നമ്പൂതിരി, സിനിമ സംവിധായകന് സിദ്ദിഖ്, എന്നിവരുടെ ചിത്രങ്ങള് സോഷ്യല് മീഡിയയില് തരംഗമായിരുന്നു. ഗണിത ശാസ്ത്രമേളയില് ഗണിത രൂപം നിര്മ്മിക്കുന്നതില് സബ്ജില്ലയില് ഒന്നാം സ്ഥാനം കാശിനാഥിനായിരുന്നു. ചെറുപ്പം മുതല് ചിത്രകലാ പരിശീലിക്കുന്ന കാശിനാഥ് യു ട്യൂബില് നിന്ന് പഠിച്ചാണ് ശില്പനിര്മ്മാണം ആരംഭിച്ചത്.
പയമ്പ്ര ഗവ. ഹയര് സെക്കന്ഡറി സ്കൂള് വിദ്യാര്ഥിയായ കാശിനാഥിന് അച്ഛന് രജീഷ് മഠത്തിലും അമ്മ പ്രജിതയും സഹോദരി കീര്ത്തനയും പിന്തുണയുമായി എപ്പോഴുമുണ്ട്. കുരുവട്ടൂര് പോലൂര് സ്വദേശിയാണ്.
സോഷ്യല് മീഡിയകളില് വൈറലായ കാശിനാഥ് കഴിഞ്ഞ ദിവസം കോഴിക്കോട് കടപ്പുറത്ത് മണലില് തീര്ത്ത നായ രൂപം
