തിരുവനന്തപുരം: സംസ്ഥാനത്ത് റേഷൻ കടകൾത്ത് മാസത്തിലെ ആദ്യ പ്രവൃത്തി ദിനം അവധി. ഭക്ഷ്യമന്ത്രി ജിആർ അനിലാണ് ഇക്കാര്യം അറിയിച്ചത്. അടുത്ത മാസം മുതൽ ഇത് പ്രാബല്യത്തിൽ വരും. റേഷൻ വ്യാപാരി സംഘടനകളുടെ ആവശ്യം പരിഗണിച്ചാണ് പുതിയ നീക്കം.
നിലവിൽ ഞായറാഴ്ചയും പൊതു അവധി ദിനങ്ങളും മാത്രമായിരുന്നു റേഷൻ കടകൾ അവധിയായി ഉണ്ടായിരുന്നത്. ഒരു മാസത്തെ റേഷൻ വിതരണം അവസാനിപ്പിച്ച് അടുത്ത മാസം വിതരണം ആരംഭിക്കുന്നതിന് മുമ്പായി റേഷൻ വിഹിതം സംബന്ധിച്ച് ഇ-പോസ് സംവിധാനത്തിൽ ക്രമീകരണം നടത്തണം.
ഇതിനാൽ തന്നെ നിലവിൽ മാസത്തിലെ ആദ്യ പ്രവൃത്തി ദിനം വൈകുന്നേരത്തോടെ മാത്രമെ വിതരണം ആരംഭിക്കാറുള്ളു. ഈ സാഹചര്യത്തിലാണ് ആദ്യ പ്രവൃത്തി ദിനം അവധി വേണമെന്ന് ആവശ്യപ്പെട്ടത്.
പ്രതികരിക്കാൻ ഇവിടെ എഴുതുക