കോഴിക്കോട്: അഖിലേന്ത്യ സെവന്‍സ് ഫുട്ബോള്‍ ടൂര്‍ണമെന്റുകളില്‍ പങ്കെടുക്കുന്ന കേരളത്തിലെ 31 ടീമുകളുടെ സംഘടനയായ ഓള്‍ കേരള സെവന്‍സ് ഫുട്ബോള്‍ ടീം മാനേജേഴ്സ് അസോസിയേഷന്റെ 35-ാമത് സംസ്ഥാന സമ്മേളനം നാളെ പാരമൗണ്ട് ടവറില്‍. രാവിലെ 10ന് സംഘടനയുടെ സീനിയര്‍ അംഗം അഹമദ്കുട്ടി മാവൂര്‍ പതാക ഉയര്‍ത്തുന്നതോടെ സമ്മേളനത്തിന് തുടക്കമാവും.
മുന്‍ ഇന്ത്യന്‍ താരവും പ്രശസ്ത ഫുട്ബോളറുമായ അനസ് എടത്തൊടിക ഉദ്ഘാടനം ചെയ്യും. സന്തോഷ് ട്രോഫി ടീം മുന്‍ ക്യാപ്റ്റന്‍ ആസിഫ് സഹീര്‍ മുഖ്യാതിഥിയാകും.
വാര്‍ത്താ സമ്മേളനത്തില്‍ മുന്‍ ബ്ലാക്ക് ആന്‍ഡ് വൈറ്റ് മാനേജറും മുതിര്‍ന്ന അംഗവുമായ ആര്‍. വിനയന്‍, സീനിയര്‍ മെമ്പര്‍ കെ.ടി. അഹമദ്കുട്ടി, റോയല്‍ മുസ്തഫ, എസ്.എം. അന്‍വര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: