കൊല്ക്കത്ത : ബിസിസിഐക്കെതിരെ കൊല്ക്കത്തയില് പൊലീസ് കേസ്. ടിക്കറ്റുകള് കരിഞ്ചന്തയില് വിറ്റെന്നതാണ് കേസ്.
ഈ മാസം അഞ്ചിന് ഈഡന് ഗാര്ഡന്സില് നടക്കുന്ന ഇന്ത്യയും ദക്ഷിണാഫ്രിക്കയും തമ്മിലുള്ള മത്സരത്തിന്റെ ടിക്കറ്റുകളുടെ പേരിലാണ് കേസ്. ബിസിസിഐ, സിഎബി, ബുക്ക് മൈ ഷോ എന്നിവയ്ക്കെതിരെ കൊല്ക്കത്ത പൊലീസ് കേസെടുത്തു. ബിസിസിഐ, സിഎബി, ബുക്ക് മൈ ഷോ എന്നിവക്ക് പൊലീസ് നോട്ടീസ് അയച്ചു.
അതേസമയം മലിനീകരണ തോത് ഉയരുമെന്നതിനാല് മുംബൈയിലും ന്യൂദല്ഹിയിലും നടക്കുന്ന ലോകകപ്പ് മത്സരങ്ങളില് കരിമരുന്ന് പ്രയോഗം ഉണ്ടാകില്ലെന്ന് ബി.സി.സി.ഐ അറിയിച്ചു. മുംബൈയിലെ മോശമാകുന്ന വായുഗുണനിലവാരം ബോംബെ ഹൈക്കോടതിയുടെ ശ്രദ്ധയില്പ്പെടുകയും, സ്വമേധയാ നടപടികള് ആരംഭിക്കുകയും ചെയ്ത അതേ ദിവസമാണ് ബിസിസിഐയുടെ പ്രഖ്യാപനം. പാരിസ്ഥിതിക പ്രശ്നങ്ങളോട് പോരാടാന് ബോര്ഡ് പ്രതിബദ്ധരാണെന്ന് ബി.സി.സി.ഐ. സെക്രട്ടറി ജയ് ഷാ പറഞ്ഞു.
