ചിത്രീകരണത്തിനിടെ നടൻ വിഷ്ണു മഞ്ചുവിന് പരിക്ക്. പാൻ ഇന്ത്യൻ ചിത്രമായ കണ്ണപ്പയുടെ ചിത്രീകരണം ന്യൂസിലൻഡിൽ പുരോഗമിക്കുന്നതിനിടെയാണ് പരിക്കേറ്റത്. മോഹൻലാൽ, ശിവ രാജ്കുമാർ, പ്രഭാസ് എന്നിവർ അതിഥി വേഷങ്ങളിലെത്തുന്ന തെലുങ്ക് ചിത്രമാണ് കണ്ണപ്പ.
നടൻ വിഷ്ണു മഞ്ചു ആണ് ചിത്രത്തിലെ നായകൻ. ചിത്രീകരണത്തിനിടെ ഡ്രോൺ പൊട്ടി വീണാണ് അപകടം സംഭവിച്ചത്. സിനിമയുടെ ചിത്രീകരണം താത്കാലികമായി നിർത്തിവെച്ചിരിക്കുകയാണ്.
സിഗ്‌നലിലെ തകരാർ മൂലം ഡ്രോണിന്റെ നിയന്ത്രണം നഷ്ടമാവുകയായിരുന്നു. തുടർന്ന് പൊട്ടി വീണ ഡ്രോണിന്റെ ബ്ലേഡുകൾ കൊണ്ട് വിഷ്ണുവിന് കൈകകൾക്ക് ഗുരുതരമായി പരിക്കേറ്റു. താരം ഇപ്പോൾ ആശുപത്രിയിൽ ചികിത്സയിലാണെന്നാണ് റിപ്പോർട്ടുകൾ.
പ്രതികരിക്കാൻ ഇവിടെ എഴുതുക: