ലേ: രണ്ട് ദിവസത്തെ സന്ദര്‍ശനത്തിനായി രാഷ്ട്രപതി ദ്രൗപദി മുര്‍മു ലഡാക്ക് തലസ്ഥാനമായ ലേയില്‍ എത്തി. ലെഫ്റ്റനന്റ് ഗവര്‍ണര്‍ ഡോ. ബി.ഡി. മിശ്രയും മറ്റ് മുതിര്‍ന്ന ഉദ്യോഗസ്ഥരും വിമാനത്താവളത്തില്‍ രാഷ്‌ട്രപതിക്ക് ഊഷ്മള സ്വീകരണം നല്‍കി.
രാഷ്‌ട്രപതിക്ക് ഗാര്‍ഡ് ഓഫ് ഓണറും നല്‍കി. സന്ദര്‍ശനത്തിന്റെ ആദ്യ ദിവസം, വൈകുന്നേരം ലേയിലെ സിന്ധു സംസ്‌കൃതി കേന്ദ്രത്തില്‍ നടക്കുന്ന ലഡാക്ക് സ്ഥാപക ദിന ആഘോഷങ്ങളില്‍ രാഷ്ട്രപതി പങ്കെടുക്കും.
രണ്ടാം ദിവസം, സിയാച്ചിന്‍ ബേസ് ക്യാമ്പ് സന്ദര്‍ശിക്കുന്ന രാഷ്ട്രപതി രക്തസാക്ഷി സ്മാരകത്തില്‍ പുഷ്പചക്രം അര്‍പ്പിക്കും.കഴിഞ്ഞ വര്‍ഷം ജൂലൈയില്‍ രാഷ്‌ട്രപതിയായി സ്ഥാനമേറ്റ ശേഷം ദ്രൗപദി മുര്‍മുവിന്റെ ലഡാക്കിലേക്കുള്ള ആദ്യ ഔദ്യോഗിക സന്ദര്‍ശനമാണിത്.ലഡാക്ക് മേഖലയുടെ വികസനത്തിനും സുരക്ഷയ്‌ക്കും വേണ്ടിയുള്ള ഇന്ത്യയുടെ പ്രതിബദ്ധത അടയാളപ്പെടുത്തുന്നതാണ് സന്ദര്‍ശനം.
പ്രതികരിക്കാൻ ഇവിടെ എഴുതുക: