കൊച്ചി: കളമശേരി സാമ്ര കൺവെൻഷൻ സെന്ററിലുണ്ടായ ബോംബ് സ്‌ഫോടനത്തിൽ മരിച്ചവരുടെ എണ്ണം മൂന്നായി. മലയാറ്റൂർ സ്വദേശിനിയായ 12 വയസുകാരിയും മരിച്ചു. ചികിത്സയിലിരിക്കെ ഇന്നലെ അർദ്ധരാത്രിയോടെ മരണത്തിന് കീഴടങ്ങുകയായിരുന്നു. മലയാറ്റൂർ കടുവൻകുഴി വീട്ടിൽ ലിബിനയാണ് മരിച്ചത്.
സ്‌ഫോടനത്തിൽ 95 ശതമാനത്തോളം പൊള്ളലേറ്റ കുട്ടിയെ മെഡിക്കൽ കോളേജ് ആശുപത്രിയിലെ വെന്റിലേറ്ററിൽ പ്രവേശിപ്പിച്ചിരിക്കുകയായിരുന്നു. മെഡിക്കൽ ബോർഡ് നിർദ്ദേശാനുസരണം കുട്ടിക്ക് ആവശ്യമായ ചികിത്സ നൽകിയിരുന്നെങ്കിലും കുട്ടി മരുന്നുകളോട് പ്രതികരിക്കാതിരിക്കുകയും മരണത്തിന് കീഴടങ്ങുകയുമായിരുന്നു.
പ്രതികരിക്കാൻ ഇവിടെ എഴുതുക: