തിരുവനന്തപുരം: സുരേഷ്‌ഗോപി മോശമായി പെരുമാറിയെന്ന മാധ്യമാപ്രവര്‍ത്തകയുടെ പ്രവര്‍ത്തകയുടെ പരാതിയില്‍ സുരേഷ്‌ഗോപിയെ പിന്തുണച്ച് ജോയ്മാത്യുവിന്റെ ഫേസ്ബുക്ക് കുറിപ്പ്.
സുരേഷ്‌ഗോപി വിഷയത്തില്‍ നിലവില്‍ എല്ലാവരും അഭിപ്രായപ്പെട്ടപോലെതന്നെയാണ് ജോയ്മാത്യുവിന്റെയും കുറിപ്പിന്റെ തുടക്കം.’സന്ദേശം ‘സിനിമ ഇറങ്ങി ഇന്നേക്ക് 32 വര്‍ഷം പൂര്‍ത്തിയാവുന്നു. ശങ്കരാടി സഖാവ് കുമാരപിള്ളയായി പറഞ്ഞതില്‍ നിന്നും ഒരിഞ്ച് മുന്നോട്ട് പോകാന്‍ മലയാളികളുടെ രാഷ്‌ട്രീയ പാര്‍ട്ടി അടിമത്തം ഇപ്പോഴും തയ്യാറായിട്ടില്ല.’എതിരാളികളെ പെണ്ണ് കേസിലും ഗര്‍ഭക്കേസിലും കുടുക്കി നാറ്റിക്കുക !ഇതിനപ്പുറം ഒന്നുമില്ല.’ എന്ന് ജോയ് മാത്യുവും പറയുന്നു.
തന്റെ ഫേസ്ബുക്ക കുറിപ്പിന് താഴെ വന്ന് തെറിവിളിക്കുന്ന ലൈംഗിക ദാരിദ്ര്യാനുഭവ പാര്‍ട്ടിക്കാരെ പരിചയപ്പെടാന്‍ ഈ പോസ്റ്റ് സഹായിക്കുമെന്നും പ്രമോദ് രാമന്മാരുടെ അടിമകളെ അകറ്റിനിര്‍ത്താന്‍ തീരുമാനിക്കുകയും ചെയ്തുവെന്ന് ജോയ് മാത്യ ഫേസ്ബുക്കില്‍ കുറിക്കുന്നു.
ഫേസ്ബുക്കിന്റെ പൂര്‍ണ്ണരൂപം
‘സന്ദേശം ‘സിനിമ ഇറങ്ങി
ഇന്നേക്ക് 32 വര്‍ഷം പൂര്‍ത്തിയാവുന്നു .
ശങ്കരാടി സഖാവ് കുമാരപിള്ളയായി പറഞ്ഞതില്‍ നിന്നും ഒരിഞ്ച് മുന്നോട്ട് പോകാന്‍ മലയാളികളുടെ രാഷ്‌ട്രീയ പാര്‍ട്ടി അടിമത്തം ഇപ്പോഴും തയ്യാറായിട്ടില്ല.
‘എതിരാളികളെ പെണ്ണ് കേസിലും ഗര്‍ഭക്കേസിലും കുടുക്കി നാറ്റിക്കുക !
ഇതിനപ്പുറം ഒന്നുമില്ല.’
സുരേഷ് ഗോപിയുടെ രാഷ്‌ട്രീയം വ്യത്യസ്തമായിരിക്കാം. അത് അദ്ദേഹത്തിന്റെ തീരുമാനം. പക്ഷെ വ്യക്തിപരമായി അറിയുന്നവര്‍ക്കറിയാം
അദ്ദേഹം എത്തരക്കാരനാണെന്ന്.
അതുകൊണ്ട് തന്നെ ഞാന്‍ സുരേഷ് ഗോപി എന്ന മനുഷ്യന്റെ കൂടെയാണ് .
(ഈ പോസ്റ്റിനു താഴെവന്ന് എന്നെ തെറിവിളിക്കുന്ന ലൈംഗിക ദാരിദ്ര്യാനുഭവ പാര്‍ട്ടിക്കാരെ പരിചയപ്പെടാന്‍ ഈ പോസ്റ്റ് നിങ്ങളെ സഹായിക്കുവാന്‍ ദൈവത്തോട് പ്രാര്‍ത്ഥിക്കുകയും ഇന്നുമുതല്‍ പ്രമോദ് രാമന്മാരുടെ അടിമകളെ അകറ്റിനിര്‍ത്താന്‍ തീരുമാനിക്കുകയും ചെയ്തിരിക്കുന്നു )
കഴിഞ്ഞ ദിവസം സുരേഷ്‌ഗോപിക്ക് പിന്തുണയുമായി ഫേസ്ബുക്ക് പോസ്റ്റിട്ട നടിയും ഗായികയുമായ മഞ്ജുവാണി ഭാഗ്യരത്‌നത്തിനെതിരെ സൈബര്‍ സഖാക്കളുടെ തെറിവിളിയുടെ അഭിഷേകമായിരുന്നു. ഇതിനെതിരെയും ഫേസ്ബുക്കിലൂടെ കടുത്തഭാഷയില്‍ അവര്‍ക്ക്‌ പ്രതികരിക്കേണ്ടി വന്നു.
പ്രതികരിക്കാൻ ഇവിടെ എഴുതുക: