മുണ്ടക്കയം ബസ് സ്റ്റാന്റിന് സമീപം തീപിടിത്തം; മാലിന്യത്തിൽ നിന്നെന്ന് സൂചന

ഇടുക്കി: മുണ്ടക്കയം ബസ്റ്റാന്റിന് സമീപം കർഷക ഓപ്പൺ മാർക്കറ്റ് കെട്ടിടത്തിൽ തീപിടിത്തം. ഇന്ന് പുലർച്ചെയോടെയായിരുന്നു സംഭവം. ഹരിത കർമ്മ സേന ശേഖരിച്ചു വെച്ചിരുന്ന മാലിന്യത്തിൽ നിന്നാകാം തീ പടർന്നതെന്നാണ് പ്രാഥമിക നിഗമനം.

പഞ്ചായത്ത്, കൃഷിഭവൻ ഉൾപ്പെടെയുള്ള ഓഫീസുകൾ പ്രവർത്തിക്കുന്നതിന് സമീപമാണ് ഈ കെട്ടിടവും സ്ഥിതി ചെയ്യുന്നത്. അഗ്നി രക്ഷാ സേന സംഭവ സ്ഥലത്തെത്തി തീ നിയന്ത്രണ വിധേയമാക്കി.