സുരേഷ് ഗോപിക്ക് പിന്തുണയുമായി പ്രശസ്ത ഡബ്ബിങ് ആർട്ടിസ്റ്റും നടിയുമായ ഭാഗ്യ ലക്ഷ്മി .സിനിമയിൽ ഒരു നടിമാരോട് പോലും മോശമായി പെരുമാറാത്ത ഒരാളാണ് സുരേഷ് ഗോപി .പരാതി ഉന്നയിക്കുന്ന മാധ്യമ പ്രവർത്തക എന്തുകൊണ്ട് അപ്പോൾ പ്രതികരിക്കാതിരുന്നത് .മീഡിയ വൺ ചാനൽ ചർച്ചയിലാണ് ഭാഗ്യ ലക്ഷ്മിയുടെ പരാമർശം .സുരേഷ് ഗോപി എന്ന രാഷ്ട്രീയക്കാരന് ഒരു രാഷ്ട്രീയക്കാരന്റെ തഴക്കവും വഴക്കവും വന്നിട്ടില്ലെന്നതിന്റെ വ്യക്തമായ ഉദാഹരണമാണ് അദ്ദേഹം ഞാന് ബ്രാഹ്മണനായി ജനിക്കാന് ആഗ്രഹിക്കുന്നു എന്നൊക്കെയുള്ള പ്രസ്താവനകള്. അദ്ദേഹം ഒരു തെറ്റായ ചിന്ത മനസില് വെച്ചല്ല പെരുമാറിയത് എന്നാണ് എനിക്ക് തോന്നിയത്.
അതുകൊണ്ട് തന്നെ ഇതില് രാഷ്ട്രീയം കാണാന് എനിക്ക് പറ്റില്ല. മറിച്ച് ആ രാഷ്ട്രീയ അനുഭവമില്ലായ്മയാണ് ഇവിടെ കാണാകുന്നത്. അതുകൊണ്ടാണ് അദ്ദേഹം മാപ്പ് പറഞ്ഞത്.ഈ വീഡിയോ കണ്ടപ്പോള് എനിക്ക് പ്രത്യേകിച്ച് ഒന്നും തോന്നിയില്ല. കാരണം ഒരു സഹോദരന്റെ സ്ഥാനത്ത് നിന്നുകൊണ്ടാണ് പലപ്പോഴും അദ്ദേഹം സ്ത്രീകളോട് സംസാരിക്കുന്നത് ഞാന് കണ്ടിട്ടുള്ളത്. ആ പെണ്കുട്ടിയോട് സംസാരിക്കുമ്പോള് സിനിമയ്ക്കുള്ളിലെ സ്ത്രീകളോട് സംസാരിക്കുന്നത് പോലെ സൗഹൃദത്തോടെ അവരോട് സംസാരിച്ചു എന്നാണ് എനിക്ക് തോന്നിയത്. സുരേഷ് ഗോപിയെന്ന രാഷ്ട്രീയക്കാരനെയാണ് ആളുകള് വിമര്ശിക്കുന്നത്.
സുരേഷ് ഗോപി എന്ന സിനിമാക്കാരനായിട്ടേ എനിക്ക് അദ്ദേഹത്തെ കാണാന് പറ്റുള്ളൂ. സുരേഷ് ഗോപി എന്ന വ്യക്തിയുടെ ഓരോ പ്രസ്താവനയ്ക്കും എതിരാണ് ഞാന്. പലപ്പോഴും ഞങ്ങള് നേരിട്ട് കാണുമ്പോള് അതിന്റെയൊക്കെ പേരില് തര്ക്കങ്ങളും പിണക്കങ്ങളും ഒക്കെ ഉണ്ടായിട്ടുണ്ട്.സിനിമയില് ഉള്ളൊരാളുടെ പക്ഷം പിടിച്ച് സംസാരിച്ചുവെന്ന് കരുതരുത്.
ആ കുട്ടി അവിടെ വെച്ച് തന്നെ വളരെ രൂക്ഷമായി സംസാരിക്കണമായിരുന്നു. പക്ഷേ അവര് വളരെ ചിരിച്ചുകൊണ്ടാണ് സംസാരിച്ചത്. അപ്പോള് ഞാന് വിചാരിച്ചു പ്രശ്നം ഒന്നുമില്ലെന്ന്. അദ്ദേഹം കൈ വെച്ചപ്പോള് പുറകോട്ട് പോയ ശേഷം അവര് വീണ്ടും തിരിച്ചുവന്ന് ചോദ്യം ആവര്ത്തിക്കുകയാണ് ചെയ്തത്. അല്ലാതെ ഇതിനോട് പ്രതികരിക്കുകയല്ലല്ലോ ചെയ്തത്. രൂക്ഷമായി പ്രതികരിച്ചിരുന്നുവെങ്കില് തെറ്റായി പോയി, ക്ഷമ ചോദിക്കുന്നുവെന്ന് അവിടെ വെച്ച് തന്നെ സുരേഷ് ഗോപിക്ക് പറയാനൊരു അവസരം ഉണ്ടായേനെ.നിങ്ങളുടെ ഈ സ്പര്ശനം എനിക്ക് ഇഷ്ടപ്പെട്ടില്ലെന്ന് സ്ട്രോംഗ് ആയി പറയുകയാണ് വേണ്ടത്. അല്ലാതെ നിലവിളിക്കണമെന്നോ അലറി വിളിക്കണമെന്നോ ക്ഷുഭിതയാകണമെന്നോ അല്ല പറഞ്ഞത്.” – ഭാഗ്യ ലക്ഷ്മി പറഞ്ഞു.
