കോഴിക്കോട്: ഐ ലീഗ് ഫുട്‌ബോള്‍ മത്സരങ്ങള്‍ നാളെ മുതല്‍ ആരംഭിക്കും. ആദ്യ ദിനം രണ്ട് പോരാട്ടങ്ങള്‍ നടക്കും. ഉച്ചയ്‌ക്ക് രണ്ടിന് നടക്കുന്ന സീസണ്‍ ഉദ്ഘാടന മത്സരത്തില്‍ റയല്‍ കശ്മീരും രാജസ്ഥാന്‍ എഫ്‌സിയും നേര്‍ക്കുനേര്‍ പോരടിക്കും. കശ്മീരിന്റെ തട്ടകമായ ശ്രീനഗറിലാണ് ഉദ്ഘാടന മത്സരം.
കോഴിക്കോട് കോര്‍പ്പറേഷന്‍ സ്റ്റേഡിയത്തില്‍ നടക്കുന്ന രണ്ടാം പോരാട്ടത്തിലാണ് ഗോകുലം കേരള എഫ്‌സിയുടെ മത്സരം. ഇന്ന് നടക്കുന്ന മത്സരത്തില്‍ പുതുമുഖ ടീം ഇന്റര്‍ കാശിയെ ആണ് കേരളം നേരിടുക. ഉത്തര്‍ പ്രദേശില്‍ നിന്നുള്ള ടീം ആണ് ഇന്റര്‍ കാശി. സ്‌പെയിനില്‍ നിന്നുള്ള ഡൊമിംഗോ ഒറാമസാണ് ഗോകുലം പരിശീലകന്‍. കേരള ടീം നായകനും സ്‌പെയിനില്‍ നിന്ന് തന്നെയുള്ള അലക്‌സാഡ്രൊ സാഞ്ചസ് ലോപ്പസ് ആണ്. രാത്രി ഏഴിനാണ് ഗോകുലം-ഇന്റര്‍ കാശി പോരാട്ടം.
പ്രതികരിക്കാൻ ഇവിടെ എഴുതുക: