കൂട്ടുകാർക്കൊപ്പം റെയിൽപ്പാളം മുറിച്ചു കടക്കവെ ട്രെയിൻ തട്ടി; വിദ്യാർത്ഥിനിക്ക് ദാരുണാന്ത്യം

കണ്ണൂർ: റെയിൽപ്പാളം മുറിച്ചുകടക്കവെ തീവണ്ടി തട്ടി ഐടിഐ വിദ്യാർത്ഥിക്ക് ദാരുണാന്ത്യം. തോട്ടട ഗവ. ഐടിഐ വയർമാൻ ഒന്നാം വിദ്യാർത്ഥിനി എം നസ്‌നി ആണ് മരിച്ചത്. ഇന്നലെ വൈകിട്ട് 5.30-ഓടെയാണ് സംഭവം. ഐടിഐ വിട്ട് കിഴുത്തുള്ളി ബസ് സ്‌റ്റോപ്പിലേക്ക് കൂട്ടുകാരോടൊപ്പം റെയിൽപ്പാളം മുറിച്ചു കടക്കവെയാണ് അപകടമെന്ന് പോലീസ് പറയുന്നു.

ഒപ്പമുണ്ടായിരുന്ന കുട്ടികൾ ഈ സമയം പാളം മുറിച്ചു കടന്നിരുന്നു. നസ്‌നി പിന്നാലെ ഫോണിൽ സംസാരിച്ച് വരികയായിരുന്നുവെന്ന് ദൃക്‌സാക്ഷികൾ പറയുന്നു.