ചെന്നൈ :പാകിസ്ഥാനെതിരായ ക്രിക്കറ്റ് മാച്ചിനിടയില് ആരാധകര് ജയ് ശ്രീറാം എന്ന് വിളിക്കുന്നതില് സ്റ്റാലിന് അസ്വസ്ഥതയെന്ന് അണ്ണാമലൈ. ഇന്ത്യന് പതാക പിടിച്ച് സ്റ്റേഡിയത്തിലേക്ക് പോകുന്ന ആരാധകരെ സ്റ്റാലിന്റെ പൊലീസ് കടത്തിവിടാതെ തടഞ്ഞത് ഇത് മൂലമാണെന്നും അണ്ണാമലൈ.
“സ്റ്റേഡിയത്തിനകത്ത് ജയ് ശ്രീറാം വിളി കേട്ടപ്പോള് സ്റ്റാലിന് അസ്വസ്ഥതയുണ്ടായി. പക്ഷെ പാകിസ്ഥാനില് ക്രിക്കറ്റ് കളിക്കുമ്പോള് ഇന്ത്യന് ടീമിനുണ്ടായ ദുരവസ്ഥ സ്റ്റാലിന് മറന്നുപോവുകയാണ്. “- അണ്ണാമലൈ സമൂഹമാധ്യമമായ എക്സില് കുറിച്ചു.
ഡിഎംകെ മന്ത്രിയായ പൊന്മുടിയുടെ മകനും തമിഴ്നാട് ക്രിക്കറ്റ് അസോസിയേഷന് പ്രസിഡന്റുമായ അശോക് സിംഘമണി ദേശീയ പതാകയെ അപമാനിക്കുക വഴി സ്റ്റാലിന്റെ അതേ അജണ്ട ഒരു പടി കൂടി കടന്ന് നടപ്പാക്കുകയായിരുന്നുവെന്നും അണ്ണാമലൈ ആരോപിച്ചു.
