ലോക്സഭാ ഇലക്ഷന് മാസങ്ങൾ മാത്രമാണ് ബാക്കി .പ്രശസ്ത നടനും മുൻ എം പിയുമായ സുരേഷ് ഗോപി തൃശ്ശൂരിൽ മത്സരിക്കുന്ന കാര്യവും സജീവ പരിഗണയിലാണ് .എന്നാൽ മമ്മൂട്ടി തന്നോട് ഇലക്ഷന് മത്സരിക്കരുത് എന്ന് പറഞ്ഞിട്ടുണ്ടെന്നാണ് സുരേഷ് ഗോപി ഇപ്പോൾ വെളിപ്പെടുത്തുന്നത് .ഗരുഡൻ സിനിമയുടെ പ്രൊമേഷൻ പരിപാടിയിലാണ് മമ്മൂക്ക പറഞ്ഞ കാര്യത്തെക്കുറിച്ചു നടന്റെ വെളിപ്പെടുത്തൽ .
“മമ്മൂക്ക ഈ കഴിഞ്ഞ ദിവസങ്ങളില് എന്റെയടുത്ത് പറഞ്ഞു, നീ ഇലക്ഷന് നില്ക്കല്ലേ എന്ന്. നീ ഇലക്ഷന് നിന്ന് ജയിച്ചാല് പിന്നെ നിനക്ക് ജീവിക്കാന് ഒക്കത്തിലെടാ. നീ രാജ്യസഭയില് ആയിരുന്നപ്പോള് ആ ബുദ്ധിമുട്ട് ഇല്ല. കാരണം നിനക്ക് ബാധ്യതയില്ല. ചെയ്യാമെങ്കില് ചെയ്താല് മതി. പക്ഷേ വോട്ട് തന്ന് ജയിപ്പിച്ച് വിട്ടാല് എല്ലാം കൂടെ പമ്പരം കറക്കുന്നതുപോലെ എടുത്തിട്ട് കറക്കും. ഞാന് പറഞ്ഞു, മമ്മൂക്ക അതൊരുതരം നിര്വൃതിയാണ്. ഞാനത് ആസ്വദിക്കുന്നു. എന്നാല് പിന്നെ എന്തെങ്കിലും ആവട്ടെ എന്ന് പുള്ളി പറഞ്ഞ് പിണങ്ങുകയും ചെയ്യും. പുള്ളി അതിന്റെ ഒരു നല്ല വശം വച്ചിട്ട് പറഞ്ഞതാണ്”, സുരേഷ് ഗോപി പറയുന്നു.
ഞാൻ ഈ ജീവിതം ആസ്വദിക്കുന്നു ,കോവിഡ് കാലത്തെ അതിജീവിച്ചെങ്കിൽ ഞാൻ ഒരു ട്രിപ്പിൾ പി എച് ഡി എടുത്തു കഴിഞ്ഞിരിക്കുന്നു.ഇങ്ങനെ ഒരു അവസരം ഇനി ലഭിക്കില്ല ,അത് പരമാവധി മുതലാക്കാൻ കഴിയണം. സിനിമയിലും ട്രിപ്പിള് പിഎച്ച്ഡി അല്ലായിരുന്നോ, പിന്നെന്തിനാണ് അങ്ങോട്ട് പോയതെന്ന് ചോദിക്കുന്നവരുണ്ടാവും. കുറച്ചൊക്കെ നമുക്ക് ജനങ്ങളോടും ഒരു കടപ്പാടും ബഹുമാനവും അവരുടെ ആവശ്യങ്ങള് നിറവേറ്റാനുള്ള അവസരങ്ങളും നമുക്ക് കിട്ടണം. അതെനിക്ക് ധാരാളമായി കിട്ടുന്നുണ്ട്.
