എറണാകുളം: നെടുമ്പാശേരി വിമാനത്താവളത്തിൽ ബോംബ് ഭീഷണി മുഴക്കിയ യുവാവ് അറസ്റ്റിൽ. ലഗേജിൽ ബോംബുണ്ടെന്ന് ഭീഷണി മുഴക്കിയ ആലപ്പുഴ സ്വദേശി രാകേഷ് രവീന്ദ്രനാണ് പിടിയിലായത്.
ഇന്നലെ രാത്രി സ്‌പൈസ് ജെറ്റ് വിമാനത്തിൽ ദുബായിലേക്ക് പോകാൻ എത്തിയതായിരുന്നു രാകേഷ്. ഇയാളുടെ ലഗേജിന്റെ ഭാരം അനുവദിച്ചിരിക്കുന്ന തൂക്കത്തിലും അധികമായിരുന്നു. ലഗേജിന്റെ ഭാരം കുറയ്‌ക്കാൻ ജീവനക്കാർ ആവശ്യപ്പെട്ടപ്പോഴായിരുന്നു ഭീഷണി മുഴക്കിയത്. പിന്നാലെ ബോംബ് സ്‌ക്വാഡ് എത്തി പരിശോധന നടത്തി. എയർപോർട്ട് അധികൃതർ രാകേഷിനെ നെടുമ്പാശേരി പോലീസിന് കൈമാറി.
പ്രതികരിക്കാൻ ഇവിടെ എഴുതുക: