തിരുവനന്തപുരം: നടിയെ പീഡിപ്പിച്ച സംഭവത്തില്‍ നടന്‍ ദിലീപിനെതിരെ രംഗപ്രവേശം ചെ്ത സംവിധായകന്‍ ബാലചന്ദ്രകുമാറിന്റെ ആരോഗ്യനില ഗുരുതരമായ രീതിയില്‍ തുടരുന്നു. വിട്ടുമാറാത്ത വൃക്കരോഗം മൂലം തിരുവനന്തപുരം എസ് യു ടി ആശുപത്രയിൽ ചികിത്സയിലാണ് ബാലചന്ദ്രകുമാര്‍.
ചികിത്സയ്‌ക്കാവശ്യമായ തുക ശേഖരിക്കാന്‍ സഹായമഭ്യര്‍ത്ഥിക്കുകയാണ് ഭാര്യ ഷീബ. മക്കൾ വിദ്യാർത്ഥികളായതിനാൽ കുടുംബത്തിന്റെ ചിലവുകളടക്കം ബുദ്ധിമുട്ടിലാണ്. ഭർത്താവിന്റെ ചികിത്സയുടെ ചിലവും കൂടിയെത്തിയതോടെ കുടുംബം സാമ്പത്തികമായി തകർന്നിരിക്കുയാണെന്നും ഷീബ പറയുന്നു.
20 ലക്ഷത്തോളം രൂപ ആവശ്യമാണെന്ന് പറയപ്പെടുന്നു. വൃക്കമാറ്റി വെക്കാനാണ് ഈ തുകയെന്നും ഭാര്യ ഷീബ പറയുന്നു. ഇതിനകം അദ്ദേഹത്തിന്റെ ചികിത്സയ്‌ക്കായി 10 ലക്ഷം രൂപയോളം ചിലവായതായും ഭാര്യ ഷീബ പറയുന്നു.
കുടുംബത്തിന്റെ ആകെ വരുമാനം ബാലചന്ദ്രകുമാറായതിനാല്‍ ചികിത്സയ്‌ക്ക് നിര്‍വ്വാഹമില്ലെന്നാണ് ഭാര്യപറയുന്നത്.
നടിയെ ആക്രമിച്ച കേസില്‍ പുതിയ വെളിപ്പെടുത്തല്‍ നടത്തിയ സംവിധായകന്‍
നടിയെ ആക്രമിച്ച കേസിൽ ദിലീപിന് എതിരെ ബാലചന്ദ്രകുമാർ പുതിയ വെളിപ്പെടുത്തലുമായി രംഗത്ത് വന്നിരുന്നു. നടിയെ ആക്രമിച്ചതിന്റെ ദൃശ്യങ്ങൾ ദിലീപിന് ലഭിച്ചെന്നും ദിലീപ് സാക്ഷികളെ സ്വാധീനിക്കാൻ ശ്രമിച്ചെന്നുമായിരുന്നു ബാലചന്ദ്രകുമാറിന്റെ വെളിപ്പെടുത്തൽ. ഇതിന് പിന്നാലെ നടിയെ ആക്രമിച്ച കേസിൽ നടൻ ദീലിപിനെതിരെ തുടരന്വേഷണത്തിന് പൊലീസ് തീരുമാനിക്കുകയായിരുന്നു. ഇക്കാര്യം ആവശ്യപ്പെട്ട് പൊലീസ് വിചാരണ കോടതിയിൽ അപേക്ഷ നൽകിയിരുന്നു.
സംവിധായകൻ ബാലചന്ദ്രകുമാർ അടുത്തിടെ നടത്തിയ വെളിപ്പെടുത്തലിനെ തുടർന്നാണ് തുടരന്വേഷണത്തിനുള്ള നീക്കം ഉണ്ടായത്.
പ്രതികരിക്കാൻ ഇവിടെ എഴുതുക: