നാടെങ്ങും നവരാത്രി ആഘോഷത്തിലാണ്. സിനിമാതാരങ്ങളും പൂജകളില് പങ്കെടുക്കുകയും ആഘോഷങ്ങളില് പങ്കെടുക്കുകയും ചെയ്യുന്നുണ്ട്.
നടി രവീണ ടണ്ടന് അഷ്ടമി ആഘോഷിക്കുന്ന ചിത്രങ്ങള് ഇന്സ്റ്റാഗ്രാമില് പങ്കുവച്ചതിന് ധാരാളം ലൈക്കുകളാണ് കിട്ടിയത്.
മകള് റാഷ തദാനിയും നടി സാറാ അലി ഖാനും രവീണയ്ക്കൊപ്പം ആഘോഷങ്ങളില് പങ്കുചേരാനുണ്ടായിരുന്നു.പരമ്പരാഗത ചുവന്ന സാരി ധരിച്ച് അതീവ സുന്ദരിയായി രവീണയെ ചിത്രത്തില് കാണാം. മഞ്ഞ എംബ്രോയ്ഡറി ചെയ്ത ചുരിദാറാണ് റാഷ ധരിച്ചിരിക്കുന്നത്.
രവീണയും റാഷയും ദേവിക്ക് ആരതി നടത്തുന്ന വീഡിയോയുമുണ്ട്. മറ്റൊരു ചിത്രത്തില് നടി സാറാ അലി ഖാനെയും ഇവര്ക്കൊപ്പം കാണാം.
മറ്റ് താരങ്ങളും നവരാത്രി ആഘോഷിക്കുന്ന ചിത്രങ്ങള് പുറത്തു വന്നിട്ടുണ്ട്. ഒരു ജ്വല്ലറി ബ്രാന്ഡ് സംഘടിപ്പിച്ച നവരാത്രി ആഘോഷങ്ങളില് പങ്കെടുക്കാന് നിരവധി സിനിമാ താരങ്ങള് തൃശൂരില് എത്തിയത്. നാഗാര്ജുന, മകന് ചൈതന്യ അക്കിനേനി, കത്രീന കൈഫ്, അജയ് ദേവ്ഗണ്, ജാന്വി കപൂര്, കൃതി സനോണ്, രശ്മിക മന്ദാന, ശില്പ ഷെട്ടി, വാമിഖ ഗബ്ബി തുടങ്ങിയവര് തൃശൂരിലെ ആഘോഷങ്ങളില് പങ്കെടുത്തു.
രവീണ അടുത്തതായി അഭിനയിക്കുന്നത് അക്ഷയ് കുമാറിനൊപ്പം വെല്ക്കം ടു ദി ജംഗിള് എന്ന ചിത്രത്തിലാണ് . ദിഷാ പടാനി, ജാക്വലിന് ഫെര്ണാണ്ടസ്, ലാറ ദത്ത, സുനില് ഷെട്ടി, സഞ്ജയ് ദത്ത്, പരേഷ് റാവല്, അര്ഷാദ് വാര്സി, തുഷാര് കപൂര്, ശ്രേയസ് തല്പാഡെ, രാജ്പാല് യാദവ്, ജോണി ലിവര്, കിക്കു ശാരദ, കൃഷ്ണ അഭിഷേക്, രാഹുല് ദേവ്, ഗായക സഹോദങ്ങളായ ദെലര് മെഹന്ദി, മിക സിംഗ് എന്നിവര് ചിത്രത്തിലുണ്ട്.
അതേസമയം, അഭിഷേക് കപൂറിന്റെ അടുത്ത ആക്ഷന് ചിത്രത്തിലൂടെ റാഷ ബോളിവുഡില് അരങ്ങേറ്റം കുറിക്കും. അജയ് ദേവ്ഗണ്, അനന്തരവന് അമന് ദേവ്ഗണ് എന്നിവരും ഇതില് അഭിനയിക്കുന്നു. ഇതുവരെ പേരിട്ടിട്ടില്ലാത്ത ചിത്രം അടുത്ത വര്ഷം ഫെബ്രുവരി 9ന് പുറത്തിറങ്ങും.
