പത്തനംതിട്ട: വടശ്ശേരിക്കരയിലെ 23-കാരന്റെ മൃതദേഹം കുളത്തിൽ നിന്നും കണ്ടെത്തിയ സംഭവത്തിൽ ദുരുഹത ആരോപിച്ച് യുവാവിന്റെ കുടുംബം. സംഗീത് സജിയുടെ മരണം മുങ്ങി മരണമല്ലെന്നും ആരോ അപായപ്പെടുത്തിയതാണെന്നും യുവാവിന്റെ അമ്മ പറയുന്നു. കേസ് അന്വേഷണം പ്രത്യേക പോലീസ് സംഘത്തിന് കൈമാറണമെന്നാണ് കുടുംബത്തിന്റെ ആവശ്യം.
ഒക്ടോബർ ഒന്നിനാണ് രാത്രി സുഹൃത്തിനൊപ്പം സംഗീത് പോകുന്നത്. ഇതിന് ശേഷം യുവാവിനെ കാണാതാകുകയായിരുന്നു. 17 ദിവസങ്ങൾക്ക് ശേഷം കിലോമീറ്ററുകൾക്ക് അകലെയുള്ള ആറന്മുള സത്രക്കടവിലാണ് മൃതദേഹം കണ്ടെത്തിയത്. മൃതദേഹം കണ്ടെത്തുമ്പോൾ കൈകാലുകൾക്ക് ഒടിവ് സംഭവിച്ചിരുന്നു. കൂടാതെ വെള്ളത്തിൽ തലയിടിച്ച് വീണതിന്റെ പരിക്കുകളില്ല.
മുഖത്തും നെറ്റിയിലും മുറിവുകളുണ്ട്. ഇതെല്ലാം സംശയമായി കുടുംബം പറയുന്നു. സംഗീതിനെ വിളിച്ചുകൊണ്ട് പോയ പ്രദീപിനെ ഇതുവരെ പോലീസ് വിശദമായി ചോദ്യം ചെയ്തിട്ടില്ലെന്നും പോലീസ് പറയുന്നു.
