കണ്ണൂര്‍: എന്‍ഡിഎയുമായുള്ള ജനതാദള്‍ എസിന്റെ സഖ്യം മുഖ്യമന്ത്രി പിണറായി വിജയന്റെ അറിവോടെയാണെന്ന എച്ച്.ഡി. ദേവഗൗഡയുടെ പ്രതികരണം ശുദ്ധ അസംബന്ധമാണെന്ന് സിപിഎം ജനറല്‍ സെക്രട്ടറി സീതാറാം യെച്ചൂരി. കണ്ണൂരില്‍ മാധ്യമ പ്രവര്‍ത്തകരോട് പ്രതികരിക്കുകയായിരുന്നു അദ്ദേഹം.
ബിജെപിയോടുള്ള ഞങ്ങളുടെ സമീപനവും നിലപാടും ഏവര്‍ക്കും അറിയുന്നതാണ്. എന്നിട്ടും എന്തടിസ്ഥാനത്തിലാണ് അങ്ങനെ പ്രതികരിച്ചതെന്ന് മനസിലാകുന്നില്ലെന്ന് യെച്ചൂരി പറഞ്ഞു. ജനതാദള്‍ എസില്‍ എടുക്കുന്ന തീരുമാനങ്ങള്‍ പ്രായാധിക്യം കാരണം അദ്ദേഹത്തിന് മനസിലാകുന്നില്ലെന്ന് വേണം കരുതാന്‍. ജനതാദള്‍ സെക്യുലര്‍ എന്ന് പേരുള്ള ഒരു പാര്‍ട്ടിക്ക് എങ്ങനെ ബിജെപിയുമായി സഖ്യമുണ്ടാക്കാന്‍ കഴിയും. ബിജെപിയുമായുള്ളള സഖ്യത്തെ അവരുടെ കേരള ഘടകം യോഗം ചേര്‍ന്ന് ഏകകണ്ഠമായി തള്ളിപ്പറഞ്ഞിട്ടുണ്ട്.. അതുകൊണ്ടാണ് അവര്‍ എല്‍ഡിഎഫിന്റെ ഭാഗമായി നില്‍ക്കുന്നതെന്നും യെച്ചൂരി പറഞ്ഞു. തലശേരിയില്‍ സിപിഎം പരിപാടിയില്‍ പങ്കെടുക്കാനെത്തിയതായിരുന്നു യെച്ചൂരി.
പ്രതികരിക്കാൻ ഇവിടെ എഴുതുക: