രാത്രിയിൽ സ്‌കൂട്ടർ പുഴയിലേക്ക് വീണ് രണ്ട് പേർക്ക് ദാരുണാന്ത്യം

കൊച്ചി: മഞ്ഞുമ്മലിൽ ഇരുചക്ര വാഹനം പുഴയിലേക്ക് മറിഞ്ഞ് രണ്ട് പേർക്ക് ദാരുണാന്ത്യം. പുതുവൈപ്പ് സ്വദേശി കെവിൻ ആന്റണി, മുഹമ്മദ് ആസാദ് എന്നിവരാണ് മരിച്ചത്. രാത്രിയിൽ വഴി തെറ്റി പുഴയിൽ വീണതാകാം എന്നാണ് പോലീസ് നിഗമനം. ഇന്നലെ രാത്രി പത്ത് മണിയോടെയായിരുന്നു അപകടം. ഇരുവരുടെയും മൃതദേഹം കണ്ടെത്തി.

രാത്രി പത്തരയോടെയാണ് പ്രദേശവാസികൾ പുഴയിൽ വാഹനം കിടക്കുന്നത് കണ്ടത്. ഇൻഡിക്കേറ്റർ കത്തി നിൽക്കുന്ന നിലയിലായിരുന്നു സ്‌കൂട്ടർ. ഉടൻ തന്നെ അഗ്നിരക്ഷാ സേനയെ വിവരം അറിയിക്കുകയായിരുന്നു. നാട്ടുാകരും അഗ്നിരക്ഷാ സേനയും നടത്തിയ തിരച്ചിലിൽ രാത്രിയോടെ തന്നെ കെവിന്റെ മൃതദേഹം കണ്ടെത്തി.

ഇന്ന് പുലർച്ചെയാണ് ആസാദിന്റെ മൃതദേഹം കണ്ടെത്തിയത്.വെള്ളത്തിൽ നിന്നും കരയെക്കടുത്ത സ്‌കൂട്ടറിന്റെ ഉടമ ആസാദ് ആണ്.